Kókshetaýda taǵy bir bala kólik astynda qala jazdady. Bul joly aýla ishinde áıel adam kishkentaı qyzdy qaǵyp ketken, dep habarlaıdy, Egemen.kz.
Oqıǵa beınebaqylaý kamerasyna túsip qalǵan. Vıdeoda balanyń anasymen birge ketip bara jatqany kórinedi. Abyroı bolǵanda, qyz bala jeńil jaraqat alyp, dárigerlerdiń tekserýinen keıin úıine jiberilgen.
Zardap shekken balanyń ata-anasy júrgizýshige qatysty shaǵym túsirýden bas tartqan.
Al polısııa ókilderi jol-kólik oqıǵasyna baılanysty júrgizýshiniń ákimshilik jaýapkershilikke tartylǵanyn habarlady.
Eske salaıyq, Almaty oblysynda kólik tizgindegen jasóspirim 12 jastaǵy balany qaǵyp ketti.
Aqtaýdaǵy 27-shaǵynaýdanda polısııa qyzmetkeri basqarǵan kólik 1,5 jastaǵy balany qaǵyp ketip, sábı oqıǵa ornynda qaıtys boldy.
Kókshetaýda áıeldi qaǵyp ketken kólik júrgizýshisiniń ústinen qylmystyq is qozǵaldy.