Atyraý áýejaıynda jolaýshy sómkesinde qarý baryn aıtqan soń, ol reısten túsirildi, dep habarlaıdy Egemen.kz.
Oqıǵa Atyraý halyqaralyq áýejaıy aýmaǵynda «Atyraý – Shymkent» reısine tirkelý kezinde bolǵan.
Kóliktegi polısııanyń málimetinshe, Túrkistan oblysynyń 34 jastaǵy turǵyny tekserý barysynda áýejaı qyzmetkerlerine sómkesinde tapansha bar ekenin aıtqan. Osydan keıin er adam №788 reısinen shuǵyl túrde túsirilip, tekserýden ótkizildi.
Jalǵan aqparat taratýdyń jaýapkershiligin bilemiz be?
Alaıda aqparat rastalmady. Soǵan qaramastan, jolaýshyǵa qatysty QR Ákimshilik quqyq buzýshylyq týraly kodeksiniń 434-baby boıynsha ákimshilik hattama toltyryldy. Is materıaldary Atyraý qalasynyń mamandandyrylǵan ákimshilik sotyna joldandy.
Kóliktegi polısııa departamenti áýejaıda qarý, jarylǵysh zat nemese basqa da qaýipti zattardyń bar ekeni týraly kez kelgen málimdeme qaýipsizdikke tóngen qater retinde baǵalanatynyn jáne onyń aýyr saldarǵa ákelýi múmkin ekenin eske saldy.
Aıta keteıik, Almaty qalasynda qylmystyq is aıasynda qoǵam belsendisi Sanjar Boqaev ustaldy. Tergeý organdary ony jalǵan aqparat taratý jáne zańsyz áreketterdi uıymdastyrý deregi boıynsha kúdikti dep tanyp otyr.