Ispanııalyq kıim jáne aksessýarlar brendi Mango negizin qalaýshy Isak Andık 2024 jyldyń jeltoqsanynda otbasymen birge taýly aımaqta serýendep júrgen kezde qaza tapqan. Kúdikti retinde ákesiniń ólimine qatysty uly Djonatan Andık ustaldy, dep jazady Egemen.kz.
Isak Andık 2024 jyldyń jeltoqsan aıynda Katalonııadaǵy Monserrat taýynda otbasymen jaıaý serýen kezinde kóz jumǵan. Oqıǵadan keıin uly ákesiniń taıyp ketip, 150 metr bıiktikten qulaǵanyn aıtqan.
Bastapqyda ol dál osyndaı túsiniktemeni polısııaǵa da bergen. Alaıda tergeýshiler onyń sózderinen qaıshylyqtar taýyp, keıbir dálelderdi anyqtaǵan soń, kásipkerdiń ulynan kúdiktenedi.
Tergeý barysynda áke men balanyń qarym-qatynasy kúrdeli bolǵany jáne qaıǵyly oqıǵa aldynda olardyń janjaldasqany belgili boldy.
Kámeletke tolmaǵan qyzdy zorlady degen kúdikke ilingen qyzmetker aýrýhanada qaıtys boldy
Sýdıa kishi Andıkti ýaqytsha qamaýǵa alýdy suraǵanymen, ol 1 mıllıon eýro kepil tólegennen keıin bosatyldy. Djonatan Andık apta saıyn sotqa kelip turýy tıis, onyń pasporty tárkilenip, Ispanııadan shyǵýyna tyıym salyndy. О́zi jáne advokattary birneshe ret kinásiz ekenin málimdegen.
Sondaı-aq Djonatan Andık kompanııa dırektorlar keńesi tóraǵasynyń orynbasary qyzmetin atqarǵany habarlandy.
Isak Andık Mango brendin 1984 jyly aǵasy Nahmanmen birge qurǵan. Kompanııanyń 110 elde 2 100-den astam dúkeni bar. Rıteıler 2023 jyly rekordtyq kórsetkishke jetip, 3,1 mıllıard eýro tabys tapqan. Isak Andık 71 jasynda qaıtys boldy.
Budan buryn Atyraýdy dúr silkindirgen Jangeldın aýylyndaǵy otbasynyń ólimine qatysty tergeý aıaqtalǵany týraly habarladyq. Kúdikti tek adam óltirip qana qoımaı, marqumdardyń malyn satyp, aqshasyn urlaǵan bolyp shyqty. Endi ol ómir boıyna bas bostandyǵynan aıyrylýy múmkin.