Almaty oblysynda bolǵan avıasııalyq oqıǵadan zardap shekkender joq. Jeńil ushaq butalardyń arasyna qonýǵa májbúr bolǵan, dep habarlaıdy Egemen.kz.
Áleýmettik jelilerde oqıǵa ornynan túsirilgen vıdeolar tarady. Málimetke sáıkes, kadrlar Almaty oblysyndaǵy Taldybulaq – Qarakemer aýmaǵynda túsirilgen. Sondaı-aq oqıǵa bolǵan mańda eshqandaı áýejaı ornalaspaǵany aıtyldy.
Qazaqstannyń Kólik mınıstrligi atalǵan jaǵdaıǵa baılanysty tekserý bastalǵanyn málimdedi.
«An-2 áýe kemesimen (tirkeý nómiri UP-A0091) bolǵan jaǵdaı adam shyǵyny joq avıasııalyq oqıǵa retinde tirkeldi. Kólik mınıstrliginiń Kóliktegi oqıǵalar men ınsıdentterdi tergeý departamenti barlyq mán-jaıdy anyqtaıdy», dep habarlady vedomstvo.
Mán-jaıdy anyqtaý úshin oqıǵa ornyna arnaıy maman jiberilgen.
Eske salaıyq, Ázerbaıjan men Reseı 2024 jylǵy jeltoqsanda Aqtaý mańynda bolǵan ushaq apaty boıynsha kelisimge keldi.
AQSh-tyń Aıdaho shtatynda ótken áýe shoýy kezinde eki joıǵysh ushaq soqtyǵysty.