Dúnıejúzilik densaýlyq saqtaý uıymy Kongo Demokratııalyq Respýblıkasynda jáne Ýgandada tirkelgen Ebola qyzbasynyń órshýine baılanysty halyqaralyq mańyzy bar tótenshe jaǵdaı jarııalady, dep habarlaıdy Egemen.kz.
Aýrýdyń taralýyna Ebola vırýsynyń sırek túri — Bundibugyo shtammy sebep bolyp otyr. Qazirgi tańda bul shtammǵa qarsy arnaıy vaksına da, naqty emi de joq.
«Ebola vırýsy juqtyrǵan adammen nemese janýarlarmen tyǵyz baılanys kezinde, olardyń bıologııalyq suıyqtyqtary arqyly beriledi. Sondyqtan jeke bas gıgıenasyn saqtaý, sapar kezinde saqtyq sharalaryn ustaný jáne der kezinde medısınalyq kómekke júginý asa mańyzdy. Saparǵa shyǵar aldynda baratyn eldegi epıdemıologııalyq jaǵdaımen aldyn ala tanysyp alǵan jón», delingen mınıstrliktiń aqparatynda.
Shetelden oralǵannan keıin densaýlyq jaǵdaıyn baqylaýda ustaý qajet. Eger qandaı da bir belgiler paıda bolsa, dereý dárigerge qaralyp, sapar faktisin mindetti túrde habarlaý kerek. О́z betinshe emdelýge bolmaıdy.
Shetelge shyǵar aldynda saqtalýy tıis negizgi aldyn alý sharalary kartochkalarda berilgen.
Aıta keteıik, Dúnıejúzilik densaýlyq saqtaý uıymy Afrıkadaǵy Ebola aýrýyna baılanysty tótenshe jaǵdaı rejımin jarııalady.