Nıgerııanyń ońtústik-batysynda qarýly toptar 39 oqýshy men jeti muǵalimdi urlap ketti, dep habarlaıdy Egemen.kz.
Shabýyl birden úsh bilim berý mekemesine – kolledj ben eki bastaýysh mektepke jasalǵan. Reuters agenttiginiń málimetinshe, qarýly shabýyl kezinde qaskóıler oqý isiniń meńgerýshisin jáne kezdeısoq ótip bara jatqan turǵyndy atyp óltirgen. Keıin tutqynda bolǵan taǵy bir muǵalim de qaza tapqan.
Kepilge alynǵandardy qutqarý operasııasy barysynda arnaıy jasaq qoldan jasalǵan jarylǵysh qurylǵylarǵa tap bolyp, birneshe quqyq qorǵaý qyzmetkeri jaraqat aldy.
Jergilikti BAQ-tyń habarlaýynsha, osy iske qatysy bar degen kúdikpen alty adam ustalǵan. Alaıda urlanǵan balalar áli kúnge deıin bosatylǵan joq. Olardy qutqarý operasııasy jalǵasyp jatyr.
Aıta keteıik, Kolýmbııada qarýly toptar arasyndaǵy qaqtyǵysta 30 adam qaza tapty.
Buǵan deıin Túrkııanyń Izmır qalasynda bilim oshaǵyna qarýly shabýyl jasamaq bolǵan segiz adamnan turatyn top qolǵa tústi.