Parlament ekinshi oqylymda Konstıtýsııa normalaryn iske asyrý úshin ázirlengen «Qazaqstan Halyq Keńesi týraly» Konstıtýsııalyq zańdy qabyldady. Qujat halyqtyń múddelerin bildirýdi qamtamasyz etýge, memlekettik saıasatty qalyptastyrýǵa jáne iske asyrýǵa qoǵamnyń qatysý tetikterin damytýǵa baǵyttalǵan jańa ınstıtýtty bekitedi, dep habarlaıdy Egemen.kz Májilistiń baspasóz qyzmetine silteme jasap.
Zań Qazaqstan Halyq Keńesiniń Joǵary Konstıtýsııalyq konsýltatıvtik organ retindegi quqyqtyq mártebesin aıqyndaıdy. Usynylǵan ınstıtýt kelisilgen usynystar men usynymdar ázirleý alańy retinde áreket etedi.
Qazaqstan Halyq Keńesine ishki saıasattyń negizgi baǵyttary boıynsha usynystar ázirleý, Quryltaıǵa zań jobalaryn engizý, jalpyhalyqtyq referendým ótkizý týraly bastama kóterý, sondaı-aq memleket pen azamattyq qoǵam arasyndaǵy dıalogty qamtamasyz etý ókilettikteri beriledi. Sonymen qatar, oǵan Álemdik jáne dástúrli dinder kóshbasshylarynyń sezin uıymdastyrý jáne ótkizý fýnksııasy júktelip otyr.
Parlament «Qazaqstan Halyq Keńesi» týraly zańdy maquldady
Qoǵamnyń negizgi toptary – etnomádenı birlestikterdiń, qoǵamdyq uıymdardyń jáne kommersııalyq emes sektordyń, sondaı-aq máslıhattar men qoǵamdyq keńesterdiń teńgerimdi ókildigi kózdeledi, árqaısynan 42 adamnan bolady. Olarǵa qoıylatyn talaptar, quqyqtary men mindetteri bólek retteledi.
Sonymen qatar zań boıynsha Qazaqstan Halyq Keńesiniń naqty uıymdastyrýshylyq modeli qalyptasady. Negizgi máseleler boıynsha sheshim qabyldaıtyn Sessııa onyń joǵarǵy organy bolady. Jekelegen naqty baǵyttardy pysyqtaý úshin turaqty jáne ýaqytsha komıtetter, salalyq komıssııalar men jumys toptaryn qurý kózdelip otyr. Al jumysty uıymdastyrýshylyq jáne taldamalyq turǵyda qoldaýdy memlekettik organ retinde qurylatyn Qazaqstan Halyq Keńesiniń Hatshylyǵy qamtamasyz etedi.
«Qazaqstan Halyq Keńesi» músheleriniń ókilettik merzimi 4 jyl bolady