Sońǵy aptada jaıdarmanshy jáne fılolog mamandardyń Qazaqstan kúres federasııasyna jaýapty qyzmetterge taǵaıyndalýy áleýmettik jelide qyzý talqylandy, dep habarlaıdy Egemen.kz.
Atap aıtqanda, burynǵy jaıdarmanshy Mansar Orynhan Túrkistan oblysy kúres federasııasynyń medıa salasy boıynsha vıse-prezıdenti bolyp taǵaıyndaldy. Al keshe fılologııa ǵylymdarynyń magıstri Nuraddın Sadyq Qazaqstan kúres federasııasynyń atqarýshy vıse-prezıdenti qyzmetine kiristi.
Grek-rım kúresinen Bishkekte tórt júlde aldyq
Qoǵamdyq pikirdiń týyndaýyna negizgi sebep – eki tulǵanyń da kúres salasynan tys baǵyttarda tanymal bolýy. Máselen, Mansar Orynhan jaıdarmanshy, bloger ári ártis retinde keńinen tanylsa, Nuraddın Sadyqtyń negizgi mamandyǵy – fılolog. Degenmen ol 2018 jyly Qazaq sport jáne týrızm akademııasyn «Dene shynyqtyrý jáne sport» mamandyǵy boıynsha támamdaǵan. Sońǵy jyldary OCTAGON aralas jekpe-jek lıgasyn quryp, ony tabysty basqaryp keledi jáne «Qurmetti sport qyzmetkeri» tósbelgisiniń ıegeri.
Túrkistan oblysy kúres federasııasynyń tóraǵasy Nurbol Erebaev Mansar Orynhannyń áleýmettik jelilerde 800 myńnan astam jazylýshysy bar ekendigi negizgi faktorlardyń biri bolǵandyǵyn atap ótken bolatyn.
Erkin kúres sheberleri Bishkekte qos qolany qanaǵat tutty
Sonymen qatar, onyń taǵaıyndaýdan keıingi alǵashqy jalaqysyna qatysty ázil vıdeosy da jelide túrli pikir týǵyzdy. Bir bóligi bul sheshimdi synǵa alyp, sport salasyna kásibı mamandar kelýi kerek ekenin aıtsa, endi bir bóligi federasııanyń jańa kadrlyq saıasattaǵy kreatıvti qadamyn qoldaǵan.