Qyrǵyzstanda burynǵy joǵary laýazymdy úsh sheneýnik – UQK-niń eks-tóraǵasy Qamshybek Tashıev, burynǵy depýtat Kýrmankýl Zýlýshev jáne Jogorký Keneshtiń eks-spıkeri Nýrlanbek Shakıev Ishki ister mınıstrliginde jaýap alýǵa shaqyryldy. Bul týraly advokat Sherdor Abdykaparov málimdedi, dep jazady Egemen.kz.
Olarǵa jappaı tártipsizdikterdi uıymdastyrý jáne memlekettik tóńkeris jasaýǵa áreket retinde baǵalanyp otyrǵan aýyr qylmystyq baptar boıynsha aıyp taǵylǵan.
Qyrǵyzstan quqyq qorǵaý organdarynyń málimetinshe, kúdiktiler IIM-niń Bas tergeý basqarmasynda birneshe saǵat boıy jaýap berip, keıin vedomstvo ǵımaratynan ketken. Al ázirge taǵylǵan aıyptardyń naqty mazmuny men tergeý barysy resmı túrde jarııalanbaǵan.
Qamshybek Tashıev uzaq ýaqyt úzilisten keıin alǵash ret resmı is-sharada sóz sóıledi
Aıta keteıik, aqpan aıynda 75 adamnyń Qyrǵyzstan prezıdenti Sadyr Japarov pen Jogorký Kenesh tóraǵasyna merziminen buryn prezıdent saılaýyn ótkizý týraly úndeý joldaǵany belgili bolǵan. Osydan keıin elde birqatar kadrlyq ózgeris jasalǵan. Qamshybek Tashıev UQK tóraǵasy jáne Mınıstrler kabıneti tóraǵasynyń orynbasary qyzmetterinen bosatylyp, UQK qurylymynda qaıta uıymdastyrý júrgizilgen. Sondaı-aq birneshe joǵary laýazymdy sheneýnik qyzmetinen aıyrylyp, Nýrlanbek Shakıev Jogorký Kenesh tóraǵasy qyzmetinen ketip, depýtattyq mandatyn tapsyrǵan. Kýrmankýl Zýlýshev te depýtattyq mandatynan bas tartqan.
Qamshybek Tashıev: Qyzmetten bosatylý men úshin kútpegen sheshim boldy
Keıin bul oqıǵaǵa baılanysty qylmystyq is qozǵalyp, «75-tiń hatyna» qol qoıǵandardyń bir bóligi tergeý ızolıatoryna qamaldy. Olarǵa jappaı tártipsizdikterdi uıymdastyrdy degen aıyp taǵylǵan.