Atyraý oblysynda «Bekire» aksııasy bastalǵaly beri 6 tonnadan astam zańsyz aýlanǵan balyq tárkilendi. Brakonerlerge shamamen 12 mıllıon teńgege jýyq aıyppul salyndy, dep habarlaıdy Egemen.kz.
Tekserý barysynda 50 zańsyz ruqsat qujaty joq qaıyq anyqtalyp, 555 tyıym salynǵan balyq aýlaý quraldary tárkilendi. Jaıyq-Kaspıı basseınindegi balyq qorǵaý sharalary 31 mamyrǵa deıin jalǵasady.
Bekire balyǵy men ýyldyryǵyn satyp alýshylar jaýapqa tartylýy múmkin
Jaıyq-Kaspıı oblysaralyq basseındik balyq sharýashylyǵy ınspeksııasynyń baspasóz hatshysy Rústembek Qorqytovtyń aıtýynsha, «Bekire-2026» aksııasy bastalǵaly beri tabıǵatty qorǵaý zańnamasyn buzýdyń 549 deregi anyqtalǵan. Sonyń nátıjesinde 401 adam ákimshilik jaýapkershilikke tartyldy. Sonymen qatar brakonerlik faktileri boıynsha 17 qylmystyq is qozǵalǵan.