Áleýmettik jelilerde Almaty aspanynda ushyp júrgen belgisiz apparattyń vıdeosy tarady. Jańadan qurylǵan Alataý qalasynyń mańynda túsirilgen kadrlar jeli qoldanýshylary arasynda qyzý talqylanyp jatyr, dep habarlaıdy Egemen.kz.
Qala ákimdiginiń málimetinshe, synaqtar Qazaqstan men Ortalyq Azııadaǵy alǵashqy demonstrasııalyq ushýǵa daıyndyq aıasynda júrgizilip jatyr.
Vedomstvo mundaı aýqymdy shara kezeń-kezeńimen daıyndyqty, tehnologııalardy synaqtan ótkizýdi jáne barlyq qaýipsizdik júıesin tekserýdi talap etetinin atap ótti.
Sondaı-aq ákimdik barlyq ushýlar ýákiletti organdarmen kelisilgenin jáne qaýipsizdik talaptaryn saqtaı otyryp júrgizilip jatqanyn habarlady.
Eske sala keteıik, byltyr Prezıdent Alataý qalasyn zamanaýı sıfrly ortalyqqa aınaldyrý jóninde bastama kótergen bolatyn. Jýyrda Memleket basshysy qalanyń quqyqtyq mártebesin aıqyndaıtyn zań jobasyna qol qoıdy.