Elimizde kedendik rásimderdi avtomattandyrý jáne memlekettik qyzmetterdi kórsetý kezinde adamı faktordy barynsha azaıtý maqsatynda «KEDEN» aqparattyq júıesi iske qosyldy, dep jazady Egemen.kz.
Memlekettik kirister komıteti júıe iske qosylǵannan beri 44 000-nan astam taýar deklarasııasy óńdelgenin habarlady.
Bul júıe taýar tasymalynda táýekelder bolmasa deklarasııany 2-3 mınýtta rásimdeıdi, al táýekelderdi anyqtaǵan jaǵdaıda zańnamaǵa sáıkes qosymsha kedendik tekserýler júrgizedi.
Júıe iske qosylǵaly beri 4 980 zańbuzýshylyq anyqtalyp, nátıjesinde bıýdjetke qosymsha 2,7 mıllıard teńge kedendik tólemder óndirilgen.
Komıtet málimetinshe, júıe iske qosylǵaly medısınalyq jáne zaýyt qurylysyna qajetti qurylys materıaldaryn kedendik resimdeý kezinde týyndaǵan máseleler tıisti mınıstrliktermen túbegeıli sheshilgen.
Sıfrlyq keden: Múmkindik pe, kedergi me?
Sondaı-aq júıe jeke shottarda aqsha qarajaty bolǵan kezde taýarlardy shyǵarýdan bas tartýǵa qatysty jekelegen jaǵdaılarda syrtqy saýdaǵa qatysýshylardyń derbes shottarynda aqsha qarajatynyń bolmaýyna baılanysty bas tartý keden zańnamasyna sáıkes zańdy túrde jasalǵanyn anyqtady.
Osylaısha, zańsyz bas tartý týraly aqparat shyndyqqa janaspaıdy. «KEDEN» aqparattyq júıesiniń jumys isteýine baılanysty deklarasııadan bas tartylǵan jáne jeke shotynda qarajat bolǵan jaǵdaıda salyq tóleýshi esepten shyǵarylǵan qarajatty qaıtarý úshin belgilengen tártippen elimizdiń Qarjy mınıstrliginiń Memlekettik kirister komıtetine júginýge quqyly ekenin atap ótken jón.
Júk ushaqtaryn ákelýge 12 jyldyq kedendik jeńildik engiziledi
«KEDEN» AJ iske qosylǵaly beri eksport fýnksııasy boıynsha 7080 deklarasııa shyǵaryldy. Barlyq tekserý táýekelderdi basqarý júıesi aıasynda jáne keden zańnamasyn qatań saqtaı otyryp júrgizildi. Osylaısha, «KEDEN» aqparattyq júıesi qalypty jumys istep, týyndaǵan máseleler jedel túrde sheshiledi. Barlyq kedendik rásim qoldanystaǵy zańnamaǵa sáıkes júzege asyrylady jáne ashyqtyqty, zańdylyqty qamtamasyz etýge, memlekettiń ekonomıkalyq múddelerin qorǵaýǵa baǵyttalǵan», delingen Memlekettik kirister komıteti taratqan habarlamada.