Búgin eldiń 16 óńirinde jańbyr, naızaǵaı, burshaq, ekpindi jel jáne aptap ystyq kútiledi, dep habarlaıdy Egemen.kz.
Almatyda kúndiz ótkinshi jańbyr jaýyp, naızaǵaı oınaıdy.
Shymkentte de ótkinshi jańbyr jaýyp, naızaǵaı bolady. Jel ekpini 15-20 m/s-qa deıin kúsheıedi. Qala aýmaǵynda joǵary órt qaýpi saqtalady.
Abaı, Shyǵys Qazaqstan, Almaty, Jetisý jáne Pavlodar oblystarynda kún qatty ysıdy. Keı óńirlerde aýa temperatýrasy 35-38 gradýsqa deıin kóteriledi.
Aqmola, Qostanaı, Soltústik Qazaqstan jáne Pavlodar oblystarynda nóser jańbyr jaýyp, naızaǵaı oınaıdy. Keı jerlerde burshaq túsip, daýyl soǵýy múmkin.
Qaraǵandy, Aqtóbe, Atyraý, Batys Qazaqstan jáne Qyzylorda oblystarynda jańbyr men naızaǵaı kútiledi. Jeldiń kúsheıýi boljanyp otyr.
Túrkistan, Jambyl, Almaty jáne Jetisý oblystarynyń taýly jáne taý bókterindegi aýdandarynda ótkinshi jańbyr jaýyp, naızaǵaı bolady.
Qyzylorda men Túrkistan oblystarynyń jekelegen aýdandarynda shańdy daýyl kóterilýi múmkin.
Mańǵystaý oblysynyń batysy men ortalyǵynda túnde jáne tańerteń tuman túsedi.
Sınoptıkterdiń málimetinshe, Abaı, Shyǵys Qazaqstan, Qaraǵandy, Pavlodar, Jetisý, Almaty, Túrkistan, Qyzylorda jáne basqa da birqatar óńirde joǵary jáne tótenshe órt qaýpi saqtalyp otyr.