Býndestag 2026 jyly parlament depýtattarynyń jalaqysyn kóterý josparynan bas tartady, dep habarlaıdy Egemen.kz.
Vedomstvonyń habarlaýynsha, bul týraly zań jobasy 11 maýsymǵa josparlanǵan parlament otyrysynyń kún tártibine engizilgen. Sheshim qabyldaýǵa bıliktegi HDS/HSS jáne SDP fraksııalary bastamashy boldy. Olar saılaýshylarǵa qazirgi kúrdeli qarjylyq-ekonomıkalyq jaǵdaıda shyǵyndardy qysqartýǵa daıyn ekendikterin kórsetkisi keledi.
Úsh jyldaǵy ózgeris: Orman órt sóndirýshileriniń jalaqysy eki ese ósti
Bıleýshi fraksııalar bıýdjet qysymy kezinde parlament depýtattary shyǵyndardy azaıtýǵa «óz úlesterin qosýy» kerek ekenin atap kórsetedi. Oppozısııalyq partııalar – «Jasyldar», «Germanııa úshin balama» jáne «Solshyldar» da ósimge qarsy. Osylaısha bul másele keń saıası qoldaýǵa ıe boldy.
Jalaqym joǵary, qolǵa tıgende nege az?
Buryn parlamenttiń barlyq 630 depýtatynyń jalaqysy aıyna 500 eýroǵa artyp, 12 330 eýroǵa jetedi dep boljanǵan. Bul ósim Germanııadaǵy jalaqynyń ósýine negizdelgen avtomatty túrde esepteledi. YouGov saýalnamasyna sáıkes, nemisterdiń 85%-y da parlamenttik jalaqyny kóterýge qarsy.
Budan buryn Májilis depýtaty Baqytjan Bazarbek aı saıyn alatyn 900 myń teńge kólemindegi jalaqysy otbasylyq shyǵyndy tolyq óteýge jetpeıtinin aıtty.