Tanymal jýrnalıst, bloger ári derekti fılmderdiń avtory Álııa Áshim uly aqyn Abaı Qunanbaıuly týraly pikiri úshin taǵy da synǵa ushyrady, dep habarlaıdy Egemen.kz.
Buǵan deıin de Abaıdyń jatyn bólmesi týraly aıtyp qoǵamda daý týdyrǵan tanymal jýrnalıst bul joly aqynnyń tósegin jınamaǵany jóninde beınejazba jarııalap, basy daýǵa qaldy.
Bloger uly tulǵalardyń mundaı áreketterin qabyldaı almaý «Postkolonıaldy qoǵamda ımperııalyq teperish kórgen ulttardyń qorǵanysh mehanızminen týyndaǵan» dep túsindirdi. Sondaı-aq jýrnalıst qoǵamda qandaı da bir tulǵany kıeli etip kórsetý ulttyń ishki kompleksinen týyndaǵan faktor ekendigin atap ótti.
Álııa Áshimniń bul sózin jeli qoldanýshylary synǵa alyp, jazba astyna túrli pikir qaldyrǵan.
«Abaıdy sóz etip keregi joq, ómir súrgen zamany sondaı. Er adam úı ishiniń tirligine aralaspaǵan. Bul túsingenge Abaıdyń kemshiligi emes», dep jazdy Z.Zaýrbekova.
Sondaı-aq qoǵam qaıratkeri Sáýle Meshitbaıqyzy «Syıyń ketip qalady, burynǵylaryń sabaq bolmaǵan eken» dep jazsa, aqyn Kókbóri Múbárák «Kúıeýine kórpe saldyrǵan qyz eken» dep jazdy.
Eske sala keteıik, buǵan deıin de Abaı men Dildanyń jatyn bólmesi týraly pikir bildirip basy daýǵa qalǵan bloger Álııa Áshim halyq aldynda keshirim suraǵan bolatyn.