Memleket basshysynyń tapsyrmasyna oraı elimizde azamattardyń ómir súrý sapasyn jaqsartý, adam kapıtalyn damytý ári áleýmettik turaqtylyqty nyǵaıtý jónindegi is-sharalar iske asyrylyp keledi. Jumyskerlerdiń kásibı damýyna, otbasylardy qoldaýǵa sondaı-aq óńirlerdiń turaqty damýyna jaǵdaı jasaı otyryp, bul mindetterdi sheshýge elimizdiń iri jumys berýshileri eleýli úles qosyp otyr.
Azamattarǵa jumys ornyn usynýshy irgeli ujymnyń biri – «Qazaqstan temir joly» UK» AQ. Ulttyq kompanııanyń áleýmettik saıasaty ardagerler men jastardy qoldaýdan bastap temirjolshylar turatyn sondaı-aq jumys isteıtin eldi mekenderde áleýmettik ınfraqurylymdy damytýǵa deıingi baǵyttardyń keń aýqymyn qamtıdy. О́ńirlerde ómir súrýge qolaıly jaǵdaı jasaýǵa erekshe kóńil bólinedi. Sonymen «Wabtec» kompanııasymen birlesip Sekseýil men Shalqarda shyǵarmashylyq ortalyq pen óner mektebin salý baǵytynda aýqymdy jobalar iske asyrylyp otyr. Jarkentte Altynkól – Jetigen temir jol ýchaskesin jańǵyrtý aıasynda «Qazaqstan temir joly» UK» AQ oblys ákimdigimen birlesip jáne «Temirjol jóndeý» JShS kómegimen salǵan 140 oryndyq balabaqsha ashyldy. Bul nysandar jumysshylar men otbasylarynyń ómir súrý sapasyn jaqsartyp qana qoımaı, eldi mekenderdiń áleýmettik ınfraqurylymyn damytýǵa yqpal etedi.
Sala ardagerlerin qoldaý mańyzdy baǵyttyń biri. Búginde kompanııa 45 myńnan astam zeınetkerge medısınalyq kómek, sanatorly-kýrorttyq emdeý jáne mereıtoılyq tólemderdi qosqanda áleýmettik qoldaý kórsetip keledi. QTJ ardagerler keńesi men Ardagerlerdiń konsýltatıvtik keńesi arqyly urpaqtar baılanysy saqtalýda, al ardagerlerdiń kásibı tájirıbesi jas mamandardy daıarlaýda suranysqa ıe. Jumysshylardyń otbasylaryna qoldaý bildirý árdaıym nazarda. Bıyl QTJ balalardy saýyqtyrý lagerlerine tegin jol júrýimen 7 372 joldama satyp aldy. Jalǵyzbasty ata-analarǵa ataýly kómek kórsetiledi, mektep túlekteriniń ata-analaryna qosymsha aqyly demalys kúnderi beriledi. Dástúrge aınalǵan balalardy qorǵaý kúnine oraı aýqymdy is-sharalar ótkiziledi. Bıyl QTJ basqarma tóraǵasynyń tapsyrmasymen shalǵaı stansalarda turatyn temirjolshylardyń kópbalaly otbasylarynan shyqqan júz bala zııatkerlik jáne shyǵarmashylyq damýǵa, sondaı-aq belsendi demalysqa yqpal etetin velosıpedter, LEGO konstrýktorlary jáne basqa da damytýshy jıyntyqtar aldy.
Eldiń barlyq óńirinde balalary oqýda, sportta jáne shyǵarmashylyqta eleýli nátıjelerge qol jetkizgen qyzmetkerlerdiń otbasylaryn quttyqtaý uıymdastyryldy. О́skeleń urpaqty qoldaý kásiptik baǵdar berý jumysyn da qamtıdy. Kompanııa mektep oqýshylary men stýdentterdi temirjol mamandyqtarymen tanystyra otyryp, óndiristik nysandar men salalyq murajaıǵa ekskýrsııalar uıymdastyrady. Bıyl QTJ ortalyq mýzeıine 400-den astam joǵary synyp oqýshylary men kolledj stýdentteri keldi. Balalardyń shyǵarmashylyq jáne zııatkerlik áleýetin damytý mańyzdy oryn alady. Kompanııada temirjol kásipterin tanymal etýge jáne urpaqtar sabaqtastyǵyn nyǵaıtýǵa yqpal etetin «Temirjol balalar kózimen» taqyrybynda beınekonkýrstary men shyǵarmashylyq baıqaý ótkiziledi.
Osy jyly kompanııa temirjol salasyna qyzyǵýshylyǵy joǵary 6 jasar Ánýar Ábsattarov pen 11 jasar Ámir Janǵalıevtiń tilegin oryndap, olardy lokomotıv kabınasynda saparlaýǵa múmkindik jasady jáne depolardy aralatyp ekskýrsııalar uıymdastyrdy. Sonymen qatar QTJ 100 jas sportshy-temirjolshy arasynda shaǵyn fýtboldan respýblıkalyq týrnır ótkizdi.
Jas kadrlardy daıarlaý da mańyzdy. Jastar saıasatynyń 2023–2026 jyldarǵa arnalǵan baǵdarlamasy sheńberinde jas qyzmetkerlerdiń kásibı jáne basqarýshylyq quzyretterin damytýǵa baǵyttalǵan jobalardy iske asyryp jatyr. Olardyń qatarynda «QTJ-nyń 100 jas esimi» jas mamandardy damytý baǵdarlamasy, «Jas úzdik maman» kásibı sheberlik konkýrsy, «Temirjol bilgirleri» ıntellektýaldy lıgasy, «Moıa PROFessııa» jáne «Zaman AI» konkýrstary, sondaı-aq KVN korporatıvtik qozǵalysy jáne «GalstýkOFF» medıa jobasy bar. Buqaralyq sportty damytý sonymen qatar kompanııanyń áleýmettik saıasatynyń basym baǵytynyń biri. Bıylǵy qańtar-mamyr aılary aralyǵynda 9,2 myńnan astam jumysshy sport seksııalarynda jattyǵýlarmen qamtyldy. 7,1 myńnan astam adamnyń qatysýymen 197 sporttyq is-shara ótkizildi. Kompanııa qyzmetkerleri halyqaralyq jarystarda QTJ men el atynan oń nátıje kórsetip keledi. Sonymen qatar korporatıvtik volonterlik belsendi damyp otyr. Temirjolshylar qaıyrymdylyq jáne ekologııalyq aksııalarǵa qatysyp, ardagerler men zeınetkerlerge járdemdesedi, áleýmettik mekemelerge qoldaý kórsetedi jáne óńirlik ózara kómek jobalaryn júzege asyrady. О́tkizilgen is-sharalardyń qatarynda – Astanadaǵy Paralımpıadalyq ortalyqty qoldaý, Qaraǵandyda «Qustarǵa kómektesemiz» ekologııalyq aksııasy, Ramazan aıynda oraza ustaýshylarǵa qurma men sý taratý, «Júrekten júrekke» jáne «Jaqsylyq jasap jarysaıyq» óńirlik ıgi ister marafondary, sondaı-aq ataýly áleýmettik-turmystyq kómek kórsetý jáne ardagerler men zeınetkerlerge azyq-túlik sebetterin tapsyrý syndy ıgi is bar.
Tájirıbe kórsetkendeı, búginde iri jumys berýshiniń áleýmettik jaýapkershiligi eńbek ujymy aldyndaǵy mindettemelerdi oryndaý sheńberinen asyp túsedi. Sóz adam kapıtalyn damytýǵa jaǵdaı jasaý, áleýmettik turaqtylyqty nyǵaıtý jáne adamdardyń ómir súrý sapasyn arttyrý týraly bolyp otyr. Sondyqtan da QTJ-nyń áleýmettik jobalary korporatıvtik saıasattyń bir bóligi ǵana emes, sonymen qatar eldiń turaqty damýyna qosqan úlesi sanalady.