Astana qalasynda polısııa iri kólemde sıntetıkalyq esirtkini zańsyz taratqan 22 jastaǵy jigitti ustady, dep habarlaıdy Egemen.kz.
Tergeý málimetinshe, kúdikti jalǵa alǵan páterlerdi jıi aýystyryp, sol jerlerde esirtki zattaryn saqtap otyrǵan. Tintý kezinde onyń turyp jatqan páteriniń ashanasynan shamamen 1 kelige jýyq tyıym salynǵan zat tabylǵan.
Tereze mańynan aq tústi untaq tárizdi zat salynǵan 8 paket anyqtaldy. Saraptama nátıjesi boıynsha tárkilengen zattardyń ishinde shamamen 500 gramm mefedron jáne 400 gramǵa jýyq alfa-PVP bolǵan.
Polısııanyń habarlaýynsha, er adam qysqa merzimge ártúrli páterlerdi jaldap, olardy esirtki saqtaý úshin paıdalanǵan. Bul derek boıynsha asa iri kólemde zańsyz esirtki aınalymy babymen qylmystyq is qozǵaldy. Kúdikti ýaqytsha ustaý ızolıatoryna qamaldy.
Grýzııada esirtkimen ustalǵan Qazaqstan azamaty ómir boıyna sottalýy múmkin
Quqyq qorǵaý organdary páter ıelerin jalǵa berýde muqııat bolýǵa jáne kúmándi jaǵdaılar baıqalsa, polısııaǵa habar berýge shaqyrdy.