Avtokólik saýdasyna mamandanǵan Focus2move konsaltıngtik fırmasy 2016 jylǵy kólik naryǵynyń qorytyndysyn shyǵardy.
Basylymnyń málimetinshe, tizimniń kósh basyndaǵy Volkswagen Group kompanııasy ótken jylmen salystyrǵanda saýdasyn 1,4 paıyzǵa ulǵaıtyp, 2016 jyly 10 mln 102 myń kólik satqan.
Ekinshi orynda Toyota Motor. Japonnyń avtokonserni byltyr 9 mln 947 myń avtokólik satqan eken. Al úshinshi orynda Renault-Nissan alıansy, oǵan naryqtaǵy 8,513 mln tutynýshy tıesili.
Tórtinshi orynda Hyundai-Kia markaly kóligine tıesili (8,176 mln). Úzdik bestikti General Motors (7,972 mln) kompanııasy túıindeıdi.
Sonymen qatar úzdik ondyqqa Ford (6,296 mln), Honda (4,907 mln), Fiat Chrysler Automobiles (4,864 mln), PSA Peugeot Citroen (3,248 mln) jáne Suzuki (2,856 mln) kompanııalary kiredi.
Esterińizge sala keteıik, 2015 jyly tizimniń basynan Toyota Motor kompanııasy kóringen edi.