16 naýryzda Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Qyrǵyz Respýblıkasynyń Prezıdenti Roza Otýnbaevamen telefon arqyly sóılesti, dep habarlady QR SIM-iniń baspasóz qyzmeti.
Áńgime barysynda ekijaqty qarym-qatynastyń keń aýqymdy máseleleri talqyǵa salynyp, Ortalyq Azııadaǵy jaǵdaı týraly pikir almasyldy. Taraptar Qyrǵyzstanǵa áleýmettik-ekonomıkalyq kómek kórsetý jónindegi joǵary deńgeıdegi kelisimderdiń júzege asý barysyn qarastyrdy.
О́z kezeginde R. Otýnbaeva Qazaqstan Prezıdenti N. Nazarbaevqa turaqty járdem men qoldaýy úshin, sonymen qatar, Qazaqstan TJM arnaıy ushaǵynyń kómegimen 15 naýryzda Qyrǵyzstan azamattaryn Japonııadan alyp shyǵarǵany úshin alǵysyn bildirdi.
Taraptar kópjaqty pishindegi ózara yqpaldastyq máselesin, ásirese, Qazaqstan tóraǵalyq etetin ShYU sheńberinde Astanada ótetin Uıymnyń mereıtoılyq sammıtine daıyndyq barysyn sóz etti.