Prezıdentikke kandıdat Jambyl Ahmetbekovtiń senim bildirilgen adamy, Qazaqstan Kommýnıstik halyqtyq partııasynyń birinshi hatshysy Vladıslav Kosarev «Atyraý sý arnasy» mekemesiniń ujymymen kezdesý ótkizdi. Onda ol Jambyl Ahmetbekovtiń saılaýaldy baǵdarlamasymen keńirek tanystyryp, ondaǵy negizgi baǵyttardy baıandap berdi. Senim bildirilgen adamnyń pikirinshe, Qazaqstan –demokratııaly memleket. Sol sebepten, halyqtyń demokratııalyq tańdaý jasaýyna erik berilgen. Alaıda, aldaǵy saılaýda Qazaqstan Kommýnıstik halyqtyq partııasynyń ókilderi saılaýshylardyń durys tańdaý jasaıtynyna senimdi ekendigin bildirdi.
– Bizdiń baǵdarlamamyzdyń basym baǵyttaryna turǵyn-úı kommýnaldyq sharýashylyq salasyndaǵy qordalanǵan problemalar men jastar arasyndaǵy jumyssyzdyq máselesi arqaý boldy, – dedi Vladıslav Kosarev. – Ásirese, orta býyn mamandar jumysqa ornalasa almaıdy. Buǵan memleket tarapynan baqylaý bolýy qajet.
Joldasbek ShО́PEǴUL, Atyraý oblysy.