Aqtaý qalasynyń 4A shaǵynaýdanyndaǵy teńiz jaǵalaýynda zańsyz salynǵan qaıyq aılaǵy anyqtaldy, dep habarlaıdy Egemen.kz.
Aqtaý qalasynyń ákimdigi atalǵan zańbuzýshylyqqa jol bergen kásipkerge qoldanystaǵy zańnama talaptaryna sáıkes qatań eskertý jasap, anyqtalǵan kemshilikterdi belgilengen merzimde tolyq joıý jóninde nusqama bergen.
«Kásipkerge nysan ornalasqan aýmaqty bastapqy qalpyna keltirý, zańsyz ornatylǵan qurylymdardy demontajdaý, jaǵalaý aýmaǵyn abattandyrý jáne sanıtarlyq talaptardy saqtaý mindetteldi. Ýákiletti organdar tarapynan nusqamanyń oryndalýy baqylaýda bolady. Qala aýmaǵynda jer ýchaskelerin, jaǵalaý beldeýlerin jáne qoǵamdyq keńistikterdi zańsyz ıgerý men qurylys jumystaryn júrgizýge jol berilmeıtinin eskertemiz. Mundaı zań buzýshylyqtar anyqtalǵan jaǵdaıda kináli tulǵalarǵa Qazaqstan Respýblıkasynyń qoldanystaǵy zańnamasyna sáıkes tıisti ákimshilik sharalar qoldanylady», delingen habarlamada.
SQO-da azyq-túlik baǵasyn sharyqtatqan 125 kásipker jaýapqa tartyldy
Ákimdik zań talaptaryn saqtaýǵa jáne kez kelgen qurylys nemese abattandyrý jumystaryn tıisti ruqsat qujattaryn alǵannan keıin ǵana júrgizýge shaqyrdy.
Shyńǵyrlaýlyq kásipker jaýapqa tartyldy