Qarttardan bata suraı keldi

Prezıdenttik saılaýǵa Qazaqstannyń Kommýnıstik halyq­tyq partııasynan úkilep qosylǵan Jambyl Ahmetbekov Oń­tús­tik Qazaqstan oblysyndaǵy  saparyn qaladaǵy qarttar úıinen bastady. Teledıdardaǵy jarnama­la­ryn­­da karateniń senseıi retinde kórinetin qııaq murt, qarshy­ǵa­daı túıilgen shamdaǵaı jigit, rasyn aıtý kerek, aqsaqaldarǵa unady. Onyń da ózindik sebebi bar sııaqty. Bul qarııalardyń deni kommýnıstik partııanyń shekpeninen shyqqandar ári qyzyl bıletterin kóldeneń kózden qyzǵyshtaı qorıtyn kónekózder ǵoı. Jambyl Ahmetbekov bólme­ler­di aralap, jaǵdaılarymen ta­nysqanda da osy jarastyq baıqalyp turdy. Kitaphananyń zalynda ótken kezdesýde úmitker óziniń saı­laý­aldy baǵdarlamasymen tanys­tyr­dy. Suraqtarǵa jaýap berdi. – Bir oblystaǵy kezdesýde bir kisiler azyq-túliktiń kúrt qymbattap ketkenin saılaýmen baılanystyryp, “osyǵan sender kinálisińder” dep shalǵaıy­myz­dan alyp edi, – dedi ol. – Sizderge razymyn. Jeke bastyń emes, eldik máselelerge mán berip otyrsyzdar. Memleketimizdiń je­­­rimen shektesetin elderdiń saıa­saty jóninde bilgilerińiz kel­gendigi, jer tutastyǵy, el bir­ligi jaıly aıtqan pikirlerińiz súısintedi. “Aýylyńda qartyń bolsa, jazyp qoıǵan hatpen teń” degen babalarymyz. Aldymen sizderge atbasyn burǵanymnyń mánisi, saılaýǵa az ýaqyt qaldy. Ýaqyttan umtylmaý úshin basqa oblystarǵa da shyǵyp úlgerý kerek. Qazaq – úlkenin syılaǵan halyq. Sizderdiń únderińiz men jete almaǵan jerlerge jetedi. El sózderińizge ımandaı senedi. Sondyqtan, meniń baǵdarlamam­dy sizder nasıhattaıdy dep senemin, dedi odan ári úmitker. Jýrnalıstermen suhbatynda da Jambyl Ahmetbekov qarııa­lar­dan bata suraı kelgenin ja­syr­ǵan joq. Ol Ońtústiktiń kó­ńil bóletin máselesi retinde ju­mys oryndaryn kóptep ashý kerektigin aıtty. Halyq kóp, ju­mys az. Oblystyń ózin ózi ju­myspen qamtý múmkindigi 50 paıyz. Bazarlarda bireýlerge jal­danyp jumys jasaıtyndar kóp. Halyqtyń ortasha jalaqy deńgeıi Batys Qazaqstan, Aty­raý sııaqty oblystardan 10-15 paıyzǵa deıin tómen. Son­dyq­tan, osy máseleni sheshý maq­satynda áleýmettik salany jetildirý jóninde zań qabyldasa artyq bolmaıdy. Jambyl Ahmetbekov maıdanger qarttardyń úıine de bas suqty. Keńes Odaǵynyń Batyry Toǵambaı Qaýymbaev qarııaǵa sálem berdi. Janyndaǵy serikterimen Abaı saıabaǵyndaǵy “Dańq” al­leıa­syna gúl shoqtaryn qoıǵan úmitker Túrkistanǵa baǵyt túzedi. Qoja Ahmet Iаsaýı kesenesindegi uly árýaqtarǵa zııarat etkennen keıin saparyn Qyzyl­orda oblysynda jalǵastyratyn bolady. Baqtııar TAIJAN, Ońtústik Qazaqstan oblysy.