Astanany damytý josparlarymen tanysty

19 naýryzda Memleket basshysy Nursultan Nazarbaev «Astana qalasynyń bas jospary ǴZJI» MKK-de boldy, dep ha­bar­lady Qazaqstan Respýblıkasy Prezıdentiniń baspasóz qyzmeti. Prezıdent Astana qalasynyń 2011-2014 jyldarǵa arnalǵan tur­ǵyn úı qurylysyn damytý memlekettik baǵdarlamasyn iske asyrýda qala qurylysynyń aspektilerimen jáne Astananyń turǵyn úıler salynatyn pers­pek­tıvaly aýdandaryn damytý jónindegi usynystarmen tanysty. Astana qalasynyń ákimi   I.Tasmaǵambetov Memleket bas­shy­syn Qazaqstan tarıhy mura­jaıynyń jumys babyndaǵy jobalaý materıaldarymen, Astana qalasyndaǵy «Qala saǵaty» ny­sany jobasynyń eskız-ıdeıasy boıynsha úzdik baıqaý mate­rıa­ly­men tanystyrdy. Prezıdent sondaı-aq «Máńgi el» eýrazııalyq qoǵamdyq-máde­nı ortalyqtyń jobasymen ta­nys­ty. «Myńjyldyq» kesheni mańyna Qazaqstan damýynyń tarıhı kezeńderin beıneleıtin qo­ǵamdyq, turǵyn úı jáne mádenı-oıyn-saýyq nysandaryn orna­las­tyrý týraly usynystar aı­tyldy. Nursultan Nazarbaev Qazaq­stan Respýblıkasy Táýelsizdi­gi­niń 20 jyldyǵyna arnalǵan monýment jobasynyń jumys ba­byn­daǵy materıaldarymen, Astana qalasynda Qazaqstan Res­pýb­lıkasy Táýelsizdiginiń 20 jyldyǵyna arnalǵan ınjenerlik ǵımarattardy qaıta qalpyna keltirý, belgili nysandardy or­na­las­tyrý tujyrymdamasynyń mate­rıaldarymen tanysyp shyqty.