Máskeý kóktem merekesin toılady

Qazaqstan elshiliginiń Más­keý­diń «Mır» konsert zalynda Naýryz meıramyna oraı ót­kiz­gen qabyldaý keshine  TMD el­de­riniń elshileri, belgili saıasatkerler men memleket qaırat­ker­leri, eki eldiń ǵylym, máde­nıet jáne óner qaıratkerleri, qazaq dıasporasynyń, sondaı-aq reseılik jetekshi BAQ ókilderi qatysty. Jınalǵandar aldynda sóz sóılegen elshi Zaýytbek Tu­rysbekov áz Naýryzdyń biriktirýshi  kúshi  búginde   barsha ult­tar­dyń yntymaǵy men  órken­deýi­ne jol ashyp,  qoǵam ıgiligine aınalǵanyna jurtshylyq na­za­ryn aýdardy.  Elshi elimizdiń táýelsizdigin alǵan 20 jyl ishinde turaqtylyqty, ultaralyq ta­týlyq pen kelisimdi tý etken, ekonomıkalyq jaǵynan damy­ǵan, demokratııalyq memleket bo­lyp ornyqqanyn atap  kór­setti. Máskeýdegi Naýryz merekesine L.N.Gýmılev atyndaǵy Eýrazııa ulttyq ýnıversıtetiniń jáne T.Júr­genov atyndaǵy Qazaq ult­tyq óner akademııasynyń shy­ǵar­mashylyq ujymdary keldi. Olar  áýeli Zelenograd qala­syn­daǵy Mádenıet saraıynda, odan keıin  «Mır» konsert zalynda  jurtshylyqqa óner kórsetti. Reseı astanasynyń joǵary oqý oryndarynda bilim alyp júrgen qazaqstandyq stýdentter men   áskerı kýrsanttardyń Qazaqstan elshisimen dástúrli  kezdesýi de Naýryz  meıramyna arnalǵan  is-sharalar aıasynda uıymdastyryldy. Bul dástúrli kezdesýde elshi stýdent jastarǵa bıylǵy Joldaýdyń negizgi erejelerin tereńdete túsindirip, atalǵan qujattyń qazir elimiz úshin áleýmettik memleket qurý­dyń strategııalyq baǵdarlama­sy­na aınalyp otyrǵanyn jetkizdi. Naýryz meıramyn atap ótýdi budan keıin Máskeý qalasyn­daǵy   «Qazaq tili», «Murager» qoǵam­da­ry, qazaq jastarynyń «Jas qa­nat» uıymy, áıelderdiń túrki tildes halyqtardyń dás­túrlerin saq­taýǵa járdemdesetin óńirara­lyq qoǵamdyq uıymy ár kúni ózindik baǵdarlamalarymen jalǵastyrdy. Serikqalı BAIMENShE, «Egemen Qazaqstan» – Máskeýden.