Astana qalalyq turǵyn úı ınspeksııasy basqarmasy 1950-1999 jyly salynǵan tehnıkalyq tekserýdi talap etetin úılerdiń tizimin jasady. Bul sanatqa kirgen nysandar sany 1 416 (jalpy aýdany 3 mln 120 myń sharshy metr). Bul týraly elordalyq turǵyn úı ınspeksııasy jetekshisi Álıhan Qýatbekov málimdedi, dep jazady krisha.kz.
Onyń aıtýynsha, qazirgi tańda 537 úıge tekserý júrgizilip, olardyń 372-si apatty jaǵdaıda dep tanyldy. Alǵashqy 228 nysan jyl sońyna deıin súriledi. Qalǵan 144 úı 2017-2020 jyldar aralyǵynda súrilmek.
Aıta ketý kerek, elordalyq bılik atalǵan sharany atqarýda qarjylandyrýdyń jetispeýinen keıinge shegerip keledi. Sonymen qatar, ákimdiktiń apatty dep sheshken úılerin súrýge turǵyndar da kelispeýshilikterin bildirýde.
Aldaǵy ýaqytta elordada aýdan ákimdikteriniń esep berý kezdesýleri ótkizilip, másele talqyǵa salynady. Apatty úılerdiń tizimin myna siltemeden kórýge bolady.