Taıaý kúnderde qoǵamdyq saladaǵy antısemıtızmge qarsy is-qımyl jónindegi Parlagada ótken joǵary deńgeıdegi konferensııaǵa Parlament Senatynyń depýtaty, EQYU-nyń Is basyndaǵy Tóraǵasynyń musylmandarǵa qatysty tózbeýshilik jáne kemsitýshilikpen kúres jónindegi Jeke ókili Ádil Ahmetov qatysty, dep habarlady Senattyń baspasóz qyzmeti.
Lıtva tóraǵalyq etetin EQYU uıymdastyrǵan sharaǵa Uıymǵa qatysýshy 32 eldiń delegattary, ÚEU jáne halyqaralyq uıymdar ókilderi keldi. Konferensııanyń kún tártibine qoıylǵan máselelerdi talqylaý barysynda toleranttylyqty qamtamasyz etý jáne ilgeriletýdegi, antısemıtızmge qarsy kúrestegi kúsh-jigerdi qoldaýǵa baǵyttalǵan tetikterdi qalyptastyrýdaǵy buqaralyq aqparat quraldarynyń róli atap ótildi.
Pikirsaıys barysynda sóz alǵan Á.Ahmetov bul saladaǵy aqparat resýrstarynyń derekter berý tájirıbesi antısemıttik yńǵaıdaǵy sharalardyń jolyn kesýge emes, ony qozdyrýǵa yqpal etetinin atap ótti. Senatordyń aıtýynsha, násilshildik, ksenofobııa, antısemıtızm jáne tózbeýshiliktiń basqa da túrleri bir qubylystyń alýan qyrlary bolyp tabylady. Ol sondaı-aq Holokostqa ákelip soqqan antısemıtızmdi zerdeleý toleranttylyqty ilgeriletýge jáne tózbeýshiliktiń, násilshildiktiń jáne ksenofobııanyń jolyn kesýge yqpal etetin bilim berýdiń mańyzdy bólikteri bola alatyny týraly pikirin bildirdi.