Sapar barysynda vıse-premer Nura ózeniniń arnasy boıyndaǵy Kókpekti, Baıqadam, Petrovka, Sarytóbe, Botaqara, Sheshenqara aýyldaryn, sondaı-aq «Baıqadam» jáne «Mınkovskaıa» sý bógetterin jáne Ashysý sý qoımasyn qarap shyqty. Sherýbaı-Nura ózeni boıynda Qarashoqy, Besoba, Aqsý-Aıýly, Qaıraqty, Nurataldy, Aqsý jáne Shopa eldi mekenderi tekserildi. Sonymen qatar Krasnaıa Polıana aýylyndaǵy qorǵanys bógettiriniń jaı-kúıi qaraldy.
Sonymen birge Abaı aýdanynda Iýjnyı, Qulaaıǵyr jáne Taszaemka aýyldary, sondaı-aq «Sherýbaı-Nura» jáne «Jartas» sý qoımalarynyń jaǵdaıy zerdelendi. Qanat Bozymbaev Samarqand sý qoımasy gıdrotorabynyń jumysymen tanysyp, Chkalov aýylyndaǵy qorǵanys bógetterin de tekserdi.Soltústik óńirler sý tasqynyna qalaı qamdanyp jatyr?
Oblys ákimdiginiń málimetinshe, óńirde negizgi sý tasqynyna qarsy is-sharalar aıaqtalǵan. Jumystar Temirtaý qalasynda jalǵasyp jatyr. 25 shaqyrym qorǵanys dambalary men bógetteri salyndy jáne nyǵaıtyldy; О́zen arnalarynyń 28 shaqyrymnan astam sý tasqyny qaýpi bar ýchaskesine sanasııa júrgizildi; 21 shaqyrym drenaj jáne sý burý júıeleri tazartyldy; 54 avtojol ýchaskesinde sý ótkizý qabileti arttyryldy; 4 gıdrotehnıkalyq nysanǵa jóndeý júrgizildi.«Jergilikti atqarýshy organdar materıaldyq-tehnıkalyq jáne qarjylyq rezervterdi qalyptastyrdy, shamamen 1 mln 200 myń tekshe metr qar shyǵaryldy. Oblystyń 7 aýdanynda jáne 4 qalasynda sý basý qaýpi bar 139 eldi meken, sondaı-aq avtomobıl jáne temirjoldardyń 130 qaýipti ýchaskesi erekshe baqylaýǵa alynǵan. 217 sý sharýashylyǵy nysany turaqty monıtorıngte tur. Qazirgi ýaqytta óńirdegi sý tasqyny jaǵdaıy turaqty. Negizgi sý qoımalary shtattyq rejımde jumys istep tur. Samarqand jáne Yntymaq sý qoımalarynan sanıtarlyq sý jiberý júrgizilip jatyr», dep habarlady Úkimettiń baspasóz qyzmeti.
О́ńirlerde sý tasqynyna qarsy daıyndyq kúsheıtildi
Aıta keteıik, búgin elimizde «Kóktem-2026» respýblıkalyq oqý-jattyǵýy bastaldy. Osyǵan baılanysty 1 naýryzdan bastap azamattyq qorǵaýdyń barlyq kúshteri men quraldary joǵary daıyndyq rejımine kóshiriledi. Tótenshe jaǵdaılarǵa den qoıý sharalaryna 3 579 adam jáne 1 047 tehnıka jumyldyrylǵan.