Qazaqstan Respýblıkasy Ortalyq referendým komıssııasynyń HABARY
2026 jylǵy 15 naýryzdaǵy respýblıkalyq referendýmda daýys berý qorytyndylary týraly
«Respýblıkalyq referendým týraly» Qazaqstan Respýblıkasy Konstıtýsııalyq Zańynyń 31, 33-baptaryna sáıkes jáne oblystardyń, respýblıkalyq mańyzy bar qalalardyń jáne astananyń aýmaqtyq referendým komıssııalarynyń usynǵan hattamalary negizinde Qazaqstan Respýblıkasynyń Ortalyq referendým komıssııasy daýys berý nátıjeleri týraly habarlaıdy:
referendýmǵa qatysý quqyǵy bar Qazaqstan Respýblıkasy azamattarynyń jalpy sany – 12 482 613;
daýys berýge qatysqan azamattardyń sany - 9 127 192 nemese Qazaqstan Respýblıkasy azamattarynyń jalpy sanynyń 73,12 paıyzy;
referendýmǵa shyǵarylǵan máseleniń oń sheshimin jaqtap daýys bergen azamattardyń sany - 7 954 667 nemese daýys berýge qatysqan azamattardyń 87,15 paıyzy;
referendýmǵa shyǵarylǵan máseleniń teris sheshimin jaqtap daýys bergen azamattardyń sany - 898 099;
jaramsyz dep tanylǵan bıýlletenderdiń sany – 146 558.
Daýys berýge referendýmǵa qatysýǵa quqyǵy bar azamattardyń jartysynan kóbi nemese 73,12 paıyzy qatysqandyqtan, «Jobasy buqaralyq aqparat quraldarynda 2026 jylǵy 12 aqpanda jarııalanǵan Qazaqstan Respýblıkasynyń jańa Konstıtýsııasyn qabyldaısyz ba?» degen másele boıynsha referendým ótti dep eseptelsin.
Oblystardyń, respýblıkalyq mańyzy bar qalalardyń jáne astananyń keminde úshten ekisinde daýys berýge qatysqan azamattardyń jartysynan astamy nemese 87,15 paıyzy onyń oń sheshimin jaqtap daýys bergendikten, respýblıkalyq referendýmǵa daýys berý úshin shyǵarylǵan Qazaqstan Respýblıkasynyń jańa Konstıtýsııasy qabyldandy dep eseptelsin.
Qazaqstan Respýblıkasynyń
Ortalyq referendým komıssııasy
Qazaqstan Respýblıkasy
Ortalyq referendým komıssııasynyń
2026 jylǵy 17 naýryzdaǵy № 12/24
qaýlysymen bekitilgen