Shyǵys Qazaqstan oblysy, Glýbokoe aýylynda káriz qudyǵynda júrgizilgen jumystar kezinde úsh jumysshy gazdan ýlanyp qalǵan, dep habarlaıdy Egemen.kz.
Oqıǵa ornyna alǵashqy bolyp Glýbokoe aýdany Tótenshe jaǵdaılar bóliminiń bastyǵy Konstantın Borovıkov pen aýdan ákimi apparatynyń TJ jáne azamattyq qorǵaý salasy boıynsha bas mamany Temirlan Keńesqanov jedel jetken. Olar qaýip-qaterge qaramastan qudyq ishinen eki zardap shekken azamatty syrtqa alyp shyqqan.
Qonaevta káriz-tazartý júıesiniń qurylysyna qansha qarjy jumsalady?
Taǵy bir jumysshy ózdiginen qudyqtan shyǵyp úlgerip, qutqarý qyzmetine der kezinde habar bergen. Mamandardyń jedel áreketiniń arqasynda zardap shekkenderge alǵashqy kómek kórsetilip, jaǵdaıy turaqtandyryldy.
Keıin barlyq zardap shekkender shuǵyl túrde aýdandyq ortalyq aýrýhanaǵa jetkizilip, dárigerlerdiń baqylaýyna alyndy.
Shyǵys Qazaqstandaǵy eń kóp ishimdik ishetin eldi meken ataldy
Tótenshe jaǵdaılar qyzmeti mundaı jumystar kezinde qaýipsizdik erejelerin qatań saqtaýdyń mańyzyn taǵy da eskertedi, óıtkeni jabyq keńistikte ýly gazdardyń jınalýy adam ómirine úlken qaýip tóndiredi.