Qyzylordada «Amanat» partııasy oblystyq fılıaly «BIALI SPORT» JShS-men birlesip, BIALI MARATHON 2026 marafonyn ótkizdi. Tórt júz adam qatysqan marafonnyń basty maqsaty – óńirde buqaralyq sportty damytý, salaýatty ómir saltyn nasıhattap, turǵyndardyń belsendiligin arttyrý boldy, dep jazady Egemen.kz.
«Kedergisiz keleshek» partııalyq jobasy aıasynda múmkindigi shekteýli azamattar da qatysyp, sharanyń áleýmettik mańyzyn arttyrdy.
Sonymen qatar, «Jastar rýhy» jastar qanatynyń belsendileri men amanattyqtar da belsendilik tanytty. Jarys 5 jáne 10 shaqyrym qashyqtyqta erler jáne áıelder sanaty boıynsha ótti. Qatysýshylar jas erekshelikterine qaraı synǵa túsip, ózara myqtyny anyqtady.
Oblys fılıal tóraǵasy Jandos Bazartaı marafonnyń mańyzdylyǵyna toqtalyp, buqaralyq sportty damytý – ult saýlyǵyn nyǵaıtýdyń mańyzdy baǵyty ekenin atap ótti.
Búgingi «BIALI SPORT» seriktestigimen birlesken marafon partııanyń salaýatty ómir saltyn qalyptastyrý baǵytyndaǵy jumystarynyń bir kórinisi. Alda partııa fılıaly «BIALI SPORT» seriktestigi jáne oblystyq sport basqarmasymen birlesip óńir turǵyndary arasynda «Amanat health» tańǵy jattyǵý jobasyn júzege asyrýdy kózdep otyr. Bul joba 6 aı boıy júrgizilip, úzdiksiz jattyǵý jasaǵan turǵyn baǵaly syılyqpen marapattalady.
«Jańa adamdar» qozǵalysynyń belsendileri Úlken Almaty ózeniniń jaǵalaýynan 20 tonna qoqys jınady
Jalpy júlde qory 2 mıllıon teńge bolatyn marafonǵa Almaty, Shymkent qalalary, Túrkistan, Aqtóbe oblystarynan da sportshylar qatysty. Júldegerler qarjylaı syılyqtarmen marapattalyp, barlyq qatysýshylarǵa arnaıy medaldar tabystaldy.