Prezıdent Qasym-Jomart Toqaevtyń týǵan kúnine shet memleketter jáne úkimetter basshylarynan, halyqaralyq uıymdar men dıplomatııalyq mıssııalar ókilderinen quttyqtaý jedelhattary kelip jatyr, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysynyń atyna Reseı Prezıdenti Vladımır Pýtın, Qytaı Halyq Respýblıkasynyń Tóraǵasy Sı Szınpın, О́zbekstan Prezıdenti Shavkat Mırzııoev, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ázerbaıjan Prezıdenti Ilham Álıev, Belarýs Prezıdenti Aleksandr Lýkashenko, Armenııa Prezıdenti Vaagn Hachatýrıan, Armenııa Premer-Mınıstri Nıkol Pashınıan, BAÁ Prezıdenti sheıh Muhammed ben Zaıd Ál Nahaıan, BAÁ Vıse-prezıdenti, Premer-mınıstri, Dýbaı Ámirshisi sheıh Muhammed ben Rashıd Ál Maktým, Qatar Ámiri sheıh Támım ben Hamad Ál Tánı, Italııa Prezıdenti Serdjo Mattarella, Serbııa Prezıdenti Aleksandr Výchıch, Moldova Prezıdenti Maııa Sandý, Slovakııa Prezıdenti Peter Pellegrını, Slovenııa Prezıdenti Natasha Pırs-Mýsar, Koreıa Respýblıkasynyń Prezıdenti Lı Chje Mıoń, Mıanma Prezıdenti Mın Aýn Hlaın, Palestına Prezıdenti Mahmud Abbas, TMD Bas hatshysy Sergeı Lebedev jáne taǵy da basqa resmı tulǵalar quttyqtaý jedelhattaryn joldady.
Sonymen qatar elimizdiń azamattary, Qazaqstannyń kórnekti saıası jáne qoǵam qaıratkerleri, zııaly qaýym ókilderi Prezıdentke júrekjardy lebizderin jetkizdi.
Quttyqtaý hattary áli de kelip túsip jatyr.
Eske sala keteıik, buǵan deıin Prezıdent 15 mamyr kúni Túrkistanda ótken Túrki memleketteri uıymy beıresmı sammıtiniń qorytyndysy boıynsha jınalys ótkizip, mańyzdy halyqaralyq is-sharaǵa jan-jaqty daıyndalǵan oblys ákimi Nuralhan Kósherov pen óńir turǵyndaryna rızashylyǵyn bildirdi.