Keshe áleýmettik jelilerde Astanadaǵy №27 mektepte atys uıymdastyrý týraly habarlamalar paıda bolǵan edi. Jazbalar messendjerlerge tez tarap, oqýshylar men ata-analardy alańdatyp qoıdy. Osydan keıin mektep dereý baqylaýǵa alyndy, dep habarlaıdy Egemen.kz.
Qalalyq bilim basqarmasynyń málimetinshe, jalǵan aqparat taratqan kámeletke tolmaǵan jetkinshekter bolyp shyqty. Olardyń jeke basy anyqtalyp, áleýmettik paraqshalary buǵattaldy. Barlyq materıaldar quqyq qorǵaý organdaryna tapsyryldy.
Qazirgi ýaqytta mekteptiń barlyq oqýshylarymen profılaktıkalyq jumystar júrgizilip jatyr.
Buǵan deıin áleýmettik jelilerde joǵary synyp oqýshysynyń muǵalimge qol kótergen vıdeosy taraǵan edi.