Shyǵys Qazaqstan oblysynda qylmystyq atqarý júıesi qyzmetkerleri tyıym salynǵan zattardy kolonııa aýmaǵyna ótkizýdiń jolyn kesti, dep habarlaıdy Egemen.kz
Oqıǵa mekeme №17 aýmaǵynda bolǵan. Qorshaý arqyly oralǵan zatty laqtyrmaq bolǵan jas jigit ustaldy. Tekserý barysynda odan túrli markaly 15 uıaly telefon tárkilendi. Tergeý dereginshe, bul qurylǵylar sottalǵandardyń birine arnalýy múmkin.
QAJ departamentiniń málimetinshe, uıaly telefondar mekemelerge jıi ótkizilmek bolatyn tyıym salynǵan zattardyń qataryna jatady, óıtkeni olar ustaý rejımin buzýǵa múmkindik beredi. Atalǵan fakti boıynsha jaýapkershilikke tartý úshin materıaldar jınalyp jatyr.