Almaty qalasynyń Medeý aýdanynda polısııa qyzmetkerleri túngi reıd barysynda eresekterdiń qaraýynsyz oıyn-saýyq oryndarynda júrgen kámeletke tolmaǵandardy, sondaı-aq alkogoldik ishimdik tutyný faktilerin anyqtady, dep habarlaıdy Egemen.kz
Zań buzýshylyqtarǵa jol bergen barlar men túngi klýbtardyń ıeleri ákimshilik jaýapkershilikke tartyldy. Birneshe mekemeniń qyzmeti 6 aı merzimge toqtatyldy. Sonymen qatar, sot sheshimimen bir meıramhana kesheniniń jumysy da ýaqytsha toqtatyldy.
Jasóspirimderge tıisti baqylaý jasamaǵany úshin olardyń ata-analary da jaýapkershilikke tartyldy.