Densaýlyq saqtaý mınıstrligi eldegi maýsymdyq allergııanyń eń kóp taralǵan sebepteriniń biri – jýsan tozańyna allergııany emdeýge arnalǵan otandyq preparatty klınıkalyq zertteýdiń ekinshi kezeńin bastady. Oǵan rastalǵan dıagnozy bar 138 pasıent qatysady, dep jazady Egemen.kz.
Preparatty qazaqstandyq ǵalymdar zamanaýı rekombınantty allergen negizinde ázirlegen. Ol GMP halyqaralyq standarttary boıynsha otandyq OtarBioPharm kásipornynda shyǵarylady. Jańa dáriniń basty artyqshylyqtarynyń biri – emdeý kýrsynyń qysqa bolýynda. Eger dástúrli allergen-spesıfıkalyq emdeýge uzaq ýaqyt ketetin bolsa, jańa preparat bir aptanyń ishinde teri astyna tórt ıneksııa jasaýmen ǵana aıaqtalady.
Buǵan deıin eriktilerdiń qatysýymen klınıkalyq zertteýlerdiń birinshi kezeńi ótti. Zertteýshilerdiń aıtýynsha, jańa dáriniń aıtarlyqtaı janama áserleri bolmaǵan jáne nátıjeleri boıynsha allergenge sezimtaldyq kórsetkishi tómendegenin.
Eske sala keteıik, Almatylyq dárigerler Italııadan kelgen týrıstiń ómirin saqtap qaldy.