Taıaý Shyǵystaǵy jaǵdaıdyń ýshyǵýy aıasynda Irak Ormuz buǵazy arqyly munaı eksportyn shamamen 9 esege qysqartty, dep habarlaıdy Egemen.kz.
Reuters agenttiginiń málimetinshe, sáýir aıynda bul baǵyt boıynsha jetkizilim kólemi shamamen 10 mıllıon barreldi quraǵan. Al qaqtyǵys bastalǵanǵa deıin bul kórsetkish 90 mıllıon barrelden asatyn edi.
Osyǵan qaramastan, el munaı óndirý qýattylyǵyn kúnine bes mıllıon barrelge deıin arttyrýdy josparlap otyr. Baǵdat bul maqsattardy júzege asyrý úshin OPEK jáne OPEK+ uıymdarymen tyǵyz jumys istemek.
Buǵan deıin Irak bıligi atalǵan birlestikten shyǵý máselesin qarastyrmaıtynyn jáne onyń álemdik energııa resýrstary baǵasyn turaqtandyrý jónindegi kúsh-jigerin tolyq qoldaıtynyn málimdegen bolatyn.
Eske sala keteıik, Iran Ormuz buǵazy arqyly Qytaıdyń birqatar kemelerine ótýge ruqsat berdi.