Elimizde kezekte turǵan azamattarǵa jaldamaly turǵyn úı bólý 16 sáýirge deıin toqtatyldy. «Otbasy bank» ókilderiniń málimetinshe, osy ýaqyt aralyǵynda júıe jetildirilip, ony barynsha ashyq ári qoljetimdi etý kózdelip otyr, dep jazady Egemen.kz.
Buǵan deıin jaldamaly páterler otbasy quramyna qaraı bólinetin. Qoldanystaǵy talapqa sáıkes, bir adamǵa keminde 15-18 sharshy metr turǵyn alańy qarastyrylýy tıis bolatyn.
Sondyqtan júıe aldymen kezegi kelgen azamatqa usynylatyn baspananyń aýdany talapqa saı kele me, sony tekseretin. Máselen, bes adamnan turatyn otbasyǵa keńirek páter qajet.
Aqtóbe oblysynda kópqabatty turǵyn úı salynýy tıis jer memleket menshigine ótti
Alaıda laıyqty nusqa tabylmaǵan jaǵdaıda, júıe kezekti «attap ótip», páterdi otbasynda adam sany az kelesi úmitkerge usynatyn. Sonyń saldarynan baspana alýǵa quqyǵy bar azamattar uzaq ýaqyt boıy kezekte qalyp qoıatyn.
Endi «Otbasy bank» bul tásildi ózgertpek. Jańa tártip boıynsha, páter turǵyn úıdiń aýdany men otbasy quramyna qaramastan kezegi kelgen azamatqa usynylady.
Turǵyn úı kezegindegi ózgerister: 16 myńnan astam adam tizimnen shyǵaryldy
Mysaly, azamatqa 75 sharshy metrlik páter qajet, al qolda 65 sharshy metr bar bolsa, sol baspana usynyla beredi.
Odan ári kelisý nemese bas tartý sheshimin kezekte turǵan azamattyń ózi qabyldaıdy. Tek ol usynystan bas tartqan jaǵdaıda ǵana páter kelesi kezektegi adamǵa beriledi.