Balalar úıiniń tárbıelenýshileri Májilis úıinde boldy

Shyǵys Qazaqstan oblysy, Úrjar aýdany, Naýaly balalar úıiniń 14 tárbıelenýshisi Parlament Májilisi Úıinde boldy. Olar 30 naýryz ben 1 sáýir aralyǵynda Parlament Májilisiniń depýtaty, «Nur Otan» HDP Parlament Májilisindegi fraksııasynyń múshesi Nurtaı Sábılıanovtyń arnaıy shaqyrýymen Astana qalasymen tanysýǵa kelgen edi. Elordany aralaý bary­syn­da balalar Qazaqstannyń Tuń­ǵysh Prezıdentiniń mura­jaı­yn, «Astana-Báıterek» keshenin, «Dýman» oıyn-saýyq orta­ly­ǵyn, Han Shatyr, Táýel­sizdik, Beıbitshilik jáne kelisim saraılaryn baryp kórdi. Astananyń basqa da kórikti jer­lerin aralady. Aıta ketý kerek, elimizdiń eń shyǵysyndaǵy Naýaly aýy­lynda ornalasqan «Naýaly balalar úıi» memlekettik mekemesi 1934 jyly ashylǵan. Qa­zirgi tańda bul balalar úıinde 90 bala tárbıelenýde. Memlekettik bıýdjetten qarjylandy­ry­latyn balalar úıi mate­rıal­dyq-tehnıkalyq jaǵynan to­lyq jabdyqtalǵan, balalar­dyń turýyna, bilim alyp, tár­bıelenýine barlyq jaǵdaı ja­salǵan. Balalar úıiniń qarama­ǵynda 8 ǵımarat, 2 otbasylyq úlgidegi úı, klýb, jazǵy lager jáne 4 avtokólik bar. Elordaǵa kelgen balalar oqý­dy jaqsy oqıdy, tárbıeleri úl­gi­li. Mektep jasyna kelgen bala­lardyń barlyǵy Naýaly aýy­lynyń orta mektebinde bilim alady. Balalar úıi túlekteriniń 80 paıyzy memlekettik grant boı­ynsha joǵary oqý oryn­da­rynda jáne kolledjderde bilim alýda. Jyl saıyn oblystyq jergilikti atqarýshy organ da ba­lalardyń oqýyna arnaıy granttar bóledi. Májiliste ótken kezdesýde depýtat Nurtaı Sábılıanov elimizde jasóspirimderdiń quqyǵyn qorǵaýǵa qatysty qandaı zańdar qabyldanyp jatqanyn áńgimelep berdi. Osy basqosýǵa arnaıy qatysqan Májilis depýtattary Maıra Aısına men Erjan Rahmetov óz oılaryn aıtty jáne tárbıelenýshilerdiń suraqtaryna jaýap berdi. О́z kezeginde Naýaly balalar úıinen kelgen balalar da de­pý­tattarǵa kókeılerindegi suraq­ta­ryn qoıyp, aldaǵy arman-maqsattarymen bólisti. «Nur Otan» partııasynan saılanǵan halyq qalaýlysyna rızashy­lyq­taryn aıta kelip, týǵan je­riniń tilegin jetkizdi. 10 synyp oqýshysy Aıjan Kamalova ózderin nendeı máseleler tol­ǵandyratynyn aıtty. Kezdesýde balalar úıi tú­lekterin pátermen qamtý, áske­rı salada bilim alý jáne ult­tyq biryńǵaı test máseleleri qozǵaldy. Jasy 18-ge tolǵan birqatar tárbıelenýshiler er­teń, 3 sáýir kúni ótetin prezıdenttik saılaýǵa tuńǵysh ret qatysatyndyqtaryn jáne óz tańdaýlaryn jasaıtyndyq­taryn málim etti. Qonaqtar Parlamenttiń birlesken otyrys zalyn jáne Má­jilistiń jalpy otyrys zalyn aralap kórdi. --------------------------------- Sýretti túsirgen Amanqul DÚISENBAEV.