Siz ne deısiz?

№3 ENERGOBLOK QURYLYSY BASTALDY MA? Ekibastuzdan 30 shaqy­rym jerde ornalasqan GRES-2 stansasy №3 ener­go­blogynyń qurylysyn bas­taý jónindegi áńgimeniń soń­ǵy 5-6 jyl boıy aı­ty­lyp, uzaqqa sozylyp ketkeni belgili. Bul másele ótken bir jyldaǵy Elbasy Jol­daý­ynda da arnaıy aıtyldy. Jalpy, bul energoblok­ty salý úshin stansa ár­qaı­sysy 50 paıyzdan ak­sııa­lar­ǵa ıe reseılikter men bizdiń elimiz Eýropa Qaıta qurý jáne damý bankinen qarjy almaqshy bolǵan edi. Biraq, olar bul óndiristiń ekolo­gııa­lyq talaptarǵa saı kelmeıtinin aıtyp, bas tart­qan kórinedi. Sebebi, stansada jaǵylatyn kómirdiń 45 paıyzǵa jýyǵy kúl, qorsha­ǵan ortaǵa zııan­dy jaǵy bar ekenin ekolog­tar da eskertken sııaqty. Al, qazirgi kezde energııa qaýipsizdigi máselesi aıty­la bastady. Elbasy tap­­syr­masymen elimizde «Sol­­tús­tik-Ońtústik», «Sol­tústik-Batys» tranzıt­tik tasymal elektr júıe­­leri de iske qosyldy. Bul jerde reseılikter Eki­bas­tuzdyń energııasymen shekaralas jatqan óz aýdan­daryn, al bizdiń elimiz oń­tústik óńirlerdi tolyq qam­tyǵysy keledi. Osydan biraz buryn alyp stansaǵa jańa basshy taǵaıyndal­dy. Jańa basshylyqtyń ke­­lýine oraı onda endi qan­daı ózgerister kútilýde? Ener­goblok salý týraly jón-jobalar júze­ge asa­tyn boldy ma? «Egemen Qazaqstannyń» Pavlodar oblysyndaǵy  tilshisi Farıda Byqaı  Ekibastuzdaǵy GRES-2 stansasynyń  basqarma tóraǵasy Ǵanı Sálimjýarovqa: – Siz buǵan ne deısiz?.. – Qazir kópten kútken №3 energobloktyń qurylysy bas­­talýǵa jaqyn. Bul kún­deri qurylystyń negizgi qujaty daıyn tur. Alyp qurylys­ty bastaý úshin Eýrazııa já­ne Vneshekonom­bankter­men nesıe alý jóninde kelisimder jasalǵan. Sonymen qa­tar, qazir ózimizdiń Ha­lyq bankinen de nesıe alý­ǵa tolyq múmkindigimiz bar. Stansada ázirge 2 energııa blogy jumys istep tur. Al­daǵy ýaqytta Úkimettiń ja­sa­ǵan strategııalyq baǵdar­la­ma­sy arqyly kelesi №4 energobloktyń da qurylysy da qolǵa alynatyn bolady. 1990 jyly iske qosylǵan №1, №2 energobloktardyń ár­qaıysysy 500 megavattan qýat óndiredi. №3 energo­blok­tyń qýaty bul ekeýinen kem túspeıtin bolady. Stansada 1600-deı adam eńbek etedi. Joǵaryda aıtylǵan eko­lo­gııa máselesine kelsek, qa­zirgi kezde jumys istep tur­ǵan bloktarda atmosfera­ǵa zııandy zattardy shyǵarýdy azaıtatyn “Alstom” fırma­sy­nyń elektrsúzgileri orna­tyldy. Al, №3 energoblokqa bes qabatty elektrsúzgi ornatylady. Qysqasy, jańa blok qurylysyn bastaý úshin kedergi joq, alda tek qyzý jumys kútip tur. Ekibastuz.