Sheteldik baıqaýshylarmen kezdesti

Keshe Ortalyq saılaý komıssııasynyń tóraǵasy Qýandyq Turǵanqulov Polshadan kelgen baı­qaý­shylar – «Polsha-Shyǵys» ynty­maq­tastyǵy qaý­ym­dastyǵynyń vıse-tóraǵasy Iozef Bryllmen jáne Varshava ýnıversıtetiniń professory Andjeı Verjbıskıımen kezdesti. OSK basshysy olardy saılaýǵa ázirlik bary­sy­nan habardar etti. Polıak baıqaýshylary óz kezeginde Qazaqstan Respýb­lı­kasynyń kezekten tys pre­zıdenttik saılaýyn baı­qaýǵa berilgen múm­kin­dik úshin rızashylyqtaryn bildirdi jáne respýblıka astanasynyń ózderi bol­ǵan jekelegen saılaý ýchas­kelerinen alǵan áser­lerimen bólisti. «Biz Astana qalasynyń eki saılaý ýchaskesinde boldyq. Komıssııa músheleri saı­laýdy ázirleýdiń barlyq másele­lerine úlken jaýapkershilikpen jáne kási­bı tur­ǵydan qaraıtynyn kór­dik. Demokratııalyq rá­simder saqtalǵan. Ýchaskeler daýys berý ba­ry­syn esh kedergisiz baıqaý úshin tolyq múmkindik ja­saýdy eskere otyryp jabdyq­talǵan. Ýchaske­ler­diń daı­yndyǵy bizge jaq­sy áser qaldyrdy», – dep atap ótti Iozef Bryll.   *  *  * Sondaı-aq keshe Or­ta­lyq saılaý komıs­sııa­sy tóraǵasynyń oryn­­basary V.Foos Reseı Fe­dera­sııa­sy Orta­lyq saı­laý ko­mıs­sııasy tór­aǵasynyń orynba­sa­ry S.­Va­vı­lov­pen kezdesti. Delegasııa músheleri kezekten tys prezıdenttik saılaýdy ázirleý jáne ótkizý barysymen jan-jaqty tanysýǵa, sondaı-aq saılaý zańnamasynyń kandıdattardy usyný men tirkeý tártibin, kandıdat­tardyń saılaýaldy úgitin qarjylandyrýdy retteıtin jekelegen erejelerine qyzyǵýshylyq tanytty. Al Vladımır Foos Orta­lyq saılaý komıs­sııasy­nyń kezekten tys prezıdenttik saılaýyn ázirleý men ótkizý jónindegi ju­mysymen, saılaý naýqa­ny­nyń negizgi kezeń­deri­men tanys­tyryp, olar­dyń birqatar suraqtarǵa jaýap qaı­tardy. – Biz Astana qala­sy­nyń aýmaqtyq saılaý ko­mıssııasynda boldyq. Úl­ken jumys atqarylǵan. Osyndaı mańyzdy saı­laýdy el Konstıtýsııasy men saılaý zańnamasyna sáıkes ótkizý úshin bar­lyq jaǵdaı jasalǵan, – dedi Reseı Federasııasy Ortalyq saılaý komıs­sııasy tóraǵasynyń oryn­basary. Álısultan QULANBAI.