Aq tilekter aǵyny

Memleket basshysy Nursultan Nazarbaevtyń atyna sheteldik saıası jáne qoǵam qaıratkerlerinen, ǵylym, bilim, mádenıet jáne óner qaıratkerlerinen, sondaı-aq halyqaralyq uıymdar­dyń jetekshilerinen, kompanııalar basshylarynan, shetel azamattarynan prezıdenttik saılaýdaǵy jeńisine baılanysty quttyqtaý hattar kóptep túsýde. Memleket basshysyn saılaý­daǵy iri jeńisimen BUU Balalar qory atynan IýNISEF-tiń Qa­zaq­stan Respýblıkasyndaǵy ókili Hanaa Sınger shyn jú­rek­ten quttyqtaıdy. «IýNISEF Sizdiń balalar úshin qolaıly jaǵdaı jasaýǵa baǵyttalǵan saıa­saty­ńyzdyń basymdyq­ta­ryn joǵary baǵalaıdy, – dep atap ótedi H.Sınger hatynda. – Bul bala­lar­dyń múddeleri men quqyqtaryn saqtaýdaǵy áleý­mettik jáne eko­nomıkalyq saıa­satty negizdeýge múmkindik beredi. Sizdi IýNISEF Qazaq­stan­nyń balalar men analar­dyń densaýlyǵyn jáne sapaly ómir súrýin jaqsar­tý­da­ǵy, Qa­zaq­standa balalardyń qu­qy­ǵyn qorǵaýdaǵy áleýmettik jáne eko­nomıkalyq turaqty­lyq­­ty ny­ǵaıtýda erekshe ról atqara­tyn­dyǵyna sendirgim keledi». Memleket basshysyn saılaý­da­ǵy tamasha jeńisimen M.­V.Lo­monosov atyndaǵy Máskeý memlekettik ýnıversıtetiniń stý­dentteri men ujymy atynan osy ýnıversıtettiń rektory,  RǴA-nyń vıse-prezıdenti, akademık Vıktor Sadovnıchıı qut­tyqtady. «Álemde bedeldi oryn alatyn jańa Táýelsiz mem­leket – Qa­zaq­stan Respýb­lı­ka­synyń memle­ket­tiliginiń  qa­lyptasýy Sizdiń atyńyzben baılanysty, – dep jazady V.Sadovnıchıı hatynda. – HH jáne HHI ǵasyrdyń to­ǵysynda jańa memleketti qurýda eldiń basynda Siz turdyńyz. Al­daǵy ýaqytta qazaqstandyq jáne reseılik birlesken jobalardyń damýyna, akademııalyq ynty­maq­tastyqty nyǵaıtyp, ǵyly­mı baılanystardy keńeıtýdiń ma­ńy­zdylyǵyn esepke ala oty­ryp, eki eldiń ǵalymdary osy salalarda tıimdi is-qımyl ja­saıtynyna senimdimin. Máskeý ýnıversıteti bizdiń ortaq maq­sa­tymyz – bilim men ǵylymı jetistikterge qol jetkizý isine óziniń úlesin qosýǵa árqashan da daıyn ekendigine sendirgim keledi». Qazaqstan Prezıdentin saı­laý­daǵy tamasha jeńisimen Reseı Memlekettik Dýmasynyń depýta­ty, Reseı Batyry, ǵaryshker-ush­qysh Nıkolaı Býdarın qut­tyqtady. «Sizdi jáne barlyq Qazaqstan hal­qyn qol jetkizgen tabystarymen, kórsetken maqsat­kerlikterimen qut­tyq­taımyn. Nur­sultan Ábishuly, jeke ózi­ńizge jáne Qazaqstan úki­metine ǵarysh sa­lasyndaǵy ataýly jobalarǵa qoldaý kórsetkenińiz úshin alǵys aıtamyn», – dedi ǵa­ryshker qut­tyqtaý hatynda. Memleket bas­shysyn saılaýdaǵy tamasha jeńi­simen Reseı Federasııasy Bash­qurt­stan  Respýblıkasyndaǵy «Elim-aı» qazaq ulttyq-mádenı ortalyǵynyń músheleri quttyq­tady. «Sizdiń bizdiń tarıhı Ota­nymyz – Qazaqstan Respýb­lıka­synyń Prezıdenti bolyp qaıta saılanýyńyzǵa erekshe qýa­nysh­tymyz. Biz Sizdiń Qazaq­standy damytyp, órkendetý jo­lyn­daǵy jemisti jumysyńyzdy jalǵasty­ra beretindigińizge senimdimiz. Biz Sizben jaıly ómir súretin bo­lamyz, biz Qazaqstan úshin árqa­shan da senimdimiz», – delingen hatta. Memleket basshysyn saılaý­daǵy erekshe jeńisimen Qyrǵyz­stan halqy Assambleıasynyń mú­sheleri de quttyqtady. «Qazaq­standaǵy prezıdenttik saılaý qa­zaqstandyqtardyń óziniń taǵdy­ry men eldiń taǵdyryn Sizge senip tapsyrǵandyǵyn kór­set­ti. Bul – Qazaqstan halqynyń myzǵymas birliginiń jarqyn kórinisi. Biz Sizdi Qazaqstannyń evolıýsııalyq damýdaǵy tabys­ta­rymen, bul – dostyq pen ja­sampazdyqtyń sal­ta­natty je­ńisi bolyp taby­la­tyn­dy­ǵymen quttyqtaımyz», dep atap ótedi hatynda olar. Qazaqstan Prezıdentin saı­laýdaǵy tamasha jeńisimen SITIS dırektorlar toby keńesi­niń tór­aǵasy Chan Chjenmın quttyq­ta­dy. «Siz Qazaqstanǵa basshylyq ja­saǵan jyldardan beri Qazaq­stan óziniń halyqar­lyq arena­da­ǵy mártebesin aı­tarlyqtaı bekemdedi, – dep jazady ol qut­tyqtaý hatynda. – Eldiń áleý­mettik turaqtyly­ǵy nyǵaıdy, ekonomıkasy qar­qyndy damyp keledi, qazaq­standyqtardyń ómir súrý sapa­synyń deńgeıi ósýde. Ult Kósh­basshysy retinde Siz ózińizdiń asa kórnekti basshy jáne erekshe tulǵa ekendigińizge, Qazaq­stan halqynyń qoldaýy men súıis­penshiligine bólengen­di­­gi­­ńiz­ge Sizdiń prezıdenttik saı­laýda absolıýtti jeńiske jet­ken­­digińiz tolyq dálel bolady. SITIS toby Qazaqstannyń senimdi áriptesi jáne shynaıy dosy bolyp tabylady. Sizdiń jeke qoldaýyńyzdyń arqasynda biz Sizdiń elińizde birqatar ın­ves­tısııalyq jobalardy tabys­ty jáne jemisti júzege asyryp kelemiz. Biz Qytaı men Qa­zaqstan arasyndaǵy strategııa­lyq árip­testikti damytý úshin ekijaqty yntymaqtastyqty alǵa qaraı damytýǵa daıynbyz». «Transaero» avıa­kompanııa­synyń basshylyǵy men ujymy Nursultan Nazarbaevtyń atyna joldaǵan quttyqtaý hatynda Táýelsiz Qazaqstannyń qol jetkizgen tolaıym tabystaryn Qazaqstan Prezıdentiniń salı­qa­ly saıasatymen baılanys­tyrady. «Qazaqstannyń táýel­siz­dik alǵan jyldardan bergi qol jetkizgen tabystary bizdi tańqaldyrady, – dep jazady avıakompanııa ujymy. – Eldiń osy tabystaryn bolashaq ár­daıym este qaldyratynyna biz senimdimiz. Osynaý jetistik­terdiń naqty mysalyn ǵajaıyp qala – Astananyń qazirgi kórki, bet-beınesi arqyly kórýge bolady. Bul – Qazaqstan halqy­nyń ulylyǵyn beıneleıdi».