Kók shyqqanǵa bir qýanyp...

Astana qalasynyń balalar psı­honevrologııalyq medı­sı­na­­lyq-áleýmettik mekemesi respýblıka kóleminde alǵashqy bo­lyp óz aýmaǵynda qysqy oranjereıa ash­qan bolatyn. Endi jal­py aý­maǵy 52 sharshy metr­di quraıtyn jylyjaıdan balalar óz qol­da­rymen otyrǵyz­ǵan alǵashqy ónim­derdi jınaı bastady. Múmkindigi shekteýli bala­lar­ǵa arnalǵan bul joba «Ekson Mobıl Kazahstan Ink» korpora­sııa­synyń demeýshilik qoldaýynyń arqasynda júzege asyp otyr. Ási­rese, bul jerde kompanııanyń qoǵammen baılanys jónindegi keńesshisi Gúlnar Nuǵmannyń osy oranjereıany ashýǵa kóp eńbegi sińgenge uqsaıdy. Balalar ótken jyldyń jeltoqsan aıynda munda qyzanaq, qııar, sábiz, aqjelkek, ýkrop, shalǵan, burshaq otyrǵyz­sa, bıylǵy jyldyń naýryz aıy­nan bastap ónimderin jınaýǵa kirisip ketken. «Bul, bir jaǵynan, balalarǵa «bizdiń de qolymyzdan eńbek etý keledi eken-aý» degen senim uıalatsa, ekinshiden, olar­dyń eńbek daǵdylaryn qalyptas­tyryp, qoǵamǵa beıimdelýine jol ashady. Osy oraıda oranjereıany ashýǵa qolushyn berip, qarjylaı demeýshilik jasaǵan korporasııaǵa alǵysymyz sheksiz», – deıdi mú­gedek balalar mekemesiniń dırek­tory Serik Bópejanov. Múmkindigi shekteýli balalar­dyń osylaı óz betinshe eńbek­te­nýin medısınada agroterapııa deı­di. Bul – olardyń bulshyq etterin qataıtýǵa, býyndarynda qı­myl-áreketti kóbeıtýge baǵyt­tal­ǵan jańa ádis. Sondaı-aq, tabı­ǵat­pen etene bolý jasóspirim­der­diń ómirge degen qulshynysyn art­tyryp, tazalyqty, ásemdikti sezindiretini de anyq. Sondyqtan qysqy baqty ashýdaǵy túpki maq­sat – jylyjaıdan tek ónim jınaý ǵana emes, sábı júzderin erterek muń shalǵan balalardy qo­ǵamdyq ómirge beıimdeý, sol ar­qyly densaýlyqtarynyń, kóńil-kúıleriniń túzelýine yqpal jasaý. «Qysqy oranjereıanyń ashyl­ǵany balalar úshin qýanysh, deı tura, bul jerde myna bir má­se­leni aıtpaı ketýge bolmas. Qazirgi kúni múgedek balalardy eńbekke baýlý, olardyń qoǵamdyq ortada eńbek etýine múmkindik jasaý ja­ǵy kemshin. Biz úshin kóbinese olardyń álemi qupııa ári «jabyq» kúıinde qalyp keledi. Máseleniń bul tu­syn anyq ańǵarǵan Astana qala­synyń ákimdigi 2000 jyly jumys berýshilerdi múmkindigi shek­teýli jandarǵa 3 paıyzdyq kvo­ta berýge mindettegeni de este. Biraq jumys berýshilerdiń múd­deli bolmaǵany­men qoımaı, múge­d­ek balalardyń eńbek etýge qa­biletteri tómendi­ginen de bul norma oryndalyp otyrǵan joq», – deıdi Eńbek jáne halyqty áleýmettik qorǵaý mınıstrligi Ál­eýmettik baǵdarlamalar depar­ta­mentiniń bastyǵy Qaını Manabaeva. Onyń aıtýynsha, memlekettik qurylymdar men bıznes ókilderiniń birlesip osyndaı ál­eý­mettik jobalardy iske asyrýy óz­ge­lerge úlgi bolýy tıis. О́ıt­keni, elimizde múmkindigi shekteýli jan­dar­dyń mekemesi bireý ǵana emes, son­daı-aq, azamattyq tany­tatyn kor­porasııa basshylary da jeterlik. Aıgúl SEIILOVA.