Qazaqstanda bes apta ishinde ótken Ulttyq biryńǵaı testileý barysynda talapkerler tarapynan 470-ten astam ereje buzýshylyq tirkeldi. Bul týraly Ǵylym jáne joǵary bilim mınıstrligi habarlady, dep jazady Egemen.kz
Testileý 10 mamyrda bastalyp, 10 shildege deıin jalǵasady. Qatysýǵa shamamen 240 myń talapker ótinish bergen. Olardyń 668-i erekshe bilim berý qajettilikteri bar azamattar. Qazirgi ýaqytqa deıin shamamen 236 myń test tapsyrylǵan.
UBT kezinde jaryq óship qalsa, túlekterdiń nátıjesi qalaı baǵalanady? Mınıstr jaýap berdi
Besinshi aptanyń qorytyndysy boıynsha talapkerlerdiń 67%-y shekti ball jınaǵan. Bes pán boıynsha ortasha ball 64 bolsa, eń joǵary nátıje 140 ball.
«Bes apta ishinde 474 ereje buzýshylyq anyqtalǵan. Onyń ishinde 298 talapker smartfon, smart-kózildirik, mıkroqulaqqap, shpargalka jáne basqa da tyıym salynǵan zattardy alyp kirýge áreket jasaǵany úshin testileýden shettetilgen. Al 176 adam testileý erejesin buzǵany úshin aýdıtorııadan shyǵarylyp, olardyń nátıjeleri joıylǵan», dedi Ǵylym jáne joǵary bilim mınıstrligi.
Testileý aıaqtalǵannan keıin 31 qazanǵa deıin mamandar beınejazbalardy taldaıdy. Eger tyıym salynǵan zattardy qoldaný nemese erejeni buzý faktileri anyqtalsa, test nátıjeleri joıylatyndyǵyn aıtyp otyr mınıstrlik ókilderi.
UBT-da quqyqtary buzylǵan talapkerler qaıda júgine alady?