«Shyn máninde baqytty el»

Anatolıı SPISYN, ekonomıka ǵylymdarynyń doktory, RF Prezıdenti janyndaǵy Memlekettik qyzmet akademııasynyń professory, Soltústik Qazaqstan oblysynyń qurmetti azamaty: «ShYN MÁNINDE BAQYTTY EL» Biz máskeýlik meıman Anatolıı Spısyndy Petropavl qalasyndaǵy Dostyq úıinde kezdestirdik. Qazaqstan Respýblıkasy Prezıdentiniń kezekten tys saılaýyn qadaǵalaýǵa kelgen sheteldikter arasynan burynnan biletin tanysymyzdyń jyly júzi men nar tulǵasy kózimizge ottaı basyldy. Ol osynda ornalasqan halyqaralyq baıqaýshylar men sheteldik BAQ ókilderimen baılanys ortalyǵynda ótetin baspasóz máslıhatyna kelgen eken. Az-kem úzilisti paıdalanyp, saýaldarymyzdy qoıa bastadyq. – Anatolıı Tıhonovıch, álem asa yqylas qoıǵan ma­ńyz­dy saıası shara da aıaqtal­dy. Qazaqstandyqtar Memleket basshysy N.­Á.Na­zar­baev­qa taǵy da zor senim bildirdi. Tarıhı saılaýdan ne kórip, ne túıdińiz? – Qoldaǵy derekter boıyn­sha Qyzyljar óńirine 60-qa   jý­yq halyqaralyq baıqaýshy­lar kelgen eken. Budan tysqary res­pýblıkalyq jáne jergilikti qo­ǵamdyq uıymdardyń, saıası partııalardyń baıqaýshylary men prezıdenttikke úmitkerler­diń senimdi ókilderi, jýrnalıster boldy. Bul málimetter Qazaqstandaǵy saılaýǵa buryn-sońdy osynshalyq eren ynta-yqylastyń, qyzyǵýshylyqtyń bolmaǵanyn baıqatady. Túmen jáne Qorǵan oblystary delegasııa quramyna bilikti maman­daryn, tájirıbeli saıasatkerlerin qosqan. Soǵan qaraǵanda Qa­zaqstannan úırenýge, kelesi jyly ótetin prezıdenttik saı­laýǵa is-tájirıbe almasýǵa kelgen syńaıly. Basy ashyq másele, saılaý barynsha jarııaly, ashyq, ádil túrde ótip, baıqaýshylar kóńi­linde eshqandaı kúmán-kúdik qal­dyrmady dese de bolady. Meni erekshe tánti etkeni – saı­laýshylardyń saıası erik-ji­geri­niń jo­ǵarylyǵy, sa­na­ly túrde óz tań­daýlaryn jasaýy. Saılaý ýchaskelerindegi kezekke qa­rap-aq soltústik­qa­zaqstandyqtardy da eldiń keleshegi tolǵandy­ra­tynyn, beıjaı qal­dyr­maı­­ty­nyn ań­ǵar­dym. Olardyń 97 paı­yzdan astamy óz taǵdyrlaryn qa­zirgi Prezıdentpen baıla­nys­tyrýynyń ózi 20 jyl ishinde atqarylǵan ulan-ǵaıyr isterge berilgen baǵa ispettes. Ásirese, qarjy daǵdarysy kezinde de tú­zý joldan adastyrmaı, ekono­mı­kalyq saladaǵy bilgir, reformator ekenin jan-jaqty kórsete bildi. Men Qazaqstan Prezıdentiniń halyqqa arnaǵan Joldaýymen de, saılaýaldy baǵ­darlamasy­men de jan-jaqty tanyspyn. Qazaqstandaǵy saıası oqıǵalar men reformalyq óz­ge­risterdi ár­kez baqylap oty­ramyn. Qa­zaq­standyqtar uıǵa­ry­my­nyń bir arnaǵa toǵysýy elin álemdik órkenıetke bastap kele jatqan Kóshbasshysyna degen berik senimde jatsa kerek. – Siz ne sebepti Soltústik Qazaqstan ob­ly­syna baı­qaý­shy bolyp keldińiz? – Týyp-ós­ken jerim Kras­no­dar ólkesi bol­ǵa­nymen, sana­ly ǵumyrym­nyń shırek ǵa­sy­ryn osy óńir­de ótkizdim. Odes­sa­da­ǵy ınjener-qurylys ınstı­tý­tyn bitirgennen keıin kom­so­mol­dyq joldamamen keldim. Eń­bek jolymdy kásiptik-tehnı­ka­lyq ýchılıshede ustazdyqtan bas­tap, komsomol, partııa ju­mys­taryna aralastym. Oblys­tyq atqarý komıteti tóraǵa­sy­nyń orynbasary, oblystyq par­tııa komıtetiniń hatshysy sekildi jaýapty qyzmetter atqar­dym. Osy jerde balaly-shaǵaly boldym. Keıin qyzmet babymen Máskeýge aýysyp, ǵylymǵa birjola den qoıdym. 200-ge tarta monografııalyq eńbekterim ja­ryq kórdi. 15 ǵylym doktoryn, 40 ǵylym kandıdatyn daıar­ladym. – Sózińizge qaraǵanda, Qa­zaqstan, Elbasy jóninde kóp biletinińiz ańǵarylyp tur. – Meniń Nursultan Ábish­uly­men qyzmettes bolǵanymdy bireý biler, bireý bilmes. Biraz jyl Memleket basshysynyń kómekshisi qyzmetin atqardym. Ol kezeń eske tússe, tipti tebirenip ketemin. Nurekeńniń ja­nyn­da júrip, kóp nárse úıren­dim, taǵylym aldym, shapaǵatyn kórdim. Áriden oılap, keńinen tolǵaıtyn suńǵylalyq, saıasatkerlik, el basqarýdaǵy zor qa­rym-qabiletin tereń tanı tústim. – Byltyr sizge «Soltústik Qazaqstan oblysynyń qur­met­ti azamaty» mártebeli ata­ǵy berildi ǵoı. – Munyń ózi men úshin kút­pegen syı boldy. Azdy-kópti sińirgen eńbegimdi baǵalaǵanǵa alǵysym sheksiz. Men de osynaý qurmetke qur qol kelmeýdi oı­lastyryp, qazaqtyń «syıǵa – syı, syraǵa – bal» degen káde jolyn jasadym. Elbasynyń tańdamaly shyǵarmalaryn eki tomǵa toptastyryp, Máskeýde shyǵardym. Alǵashqy tusaýke­se­rin Qazaqstanda ótkizdim. Re­seılikterdiń de N.Nazarbaevqa degen qurmet-iltıpaty erekshe. Bizdiń ınstıtýt máskeýlikter ara­synda sosıologııalyq saýaldama júrgizgende jaýap berýshi­lerdiń úshten ekisi álemdik deńgeıdegi zor saıası tulǵa retinde baǵalaǵan bolatyn. – Qyzyljar óńirinen qan­daı ásermen attanyp ba­ra­syz? – Men úshin Qazaq eli – ekinshi Otanym. Bylaısha aıtqanda, «aýylym aralas, qoıym qora­las». Al menimen birge kelgen áriptesime soltústikqazaqstan­dyq­tardyń turmys-tirshiligi, ómir súrý sapasy keremet una­dy. Qashan ketkenshe aýa raıy qatal bolsa da, adamdary jyly júzdi, meıirimdi, qonaqjaı, aq­jarqyn eken degen sózdi qaıtalaýmen boldy. Qaıda júrsem de, Qazaq­stan­dy umytpaımyn, maqtan etemin. Álemdik kartadan oıyp turyp oryn alǵan memlekettiń jasam­paz­dyq qýatyna, jarqyn bola­sha­ǵyna bárimiz qyzyǵa qaraı­myz. Osynaý jarqyn jetistikterdi Nursultan Ábish­ulynsyz kózge elestetý múmkin emes. Osyndaı Kóshbasshysy bar Qa­zaq eli shyn máninde baqytty. Týra joldan adas­paıtyn­da­ryńyzǵa kámil senimdimin. – Áńgimeńizge rahmet. Áńgimelesken О́mir ESQALI. Soltústik Qazaqstan oblysy.