Adal qyzmetke – ádil baǵa

Keshe Aqordada Elbasy Nursultan Nazarbaev joǵary ás­ke­rı jáne arnaýly ataqtar, synyptyq shender alǵan azamat­tar­ǵa dárejeleri men marapattardy óz qolymen tabys etti. Barlyq ómirlerin áskerdiń qı­­yn da qaýipti, sonymen birge, qa­dirli de qasterli áreketine ar­na­ǵan azamattar Aqordanyń ishin­de sap túzep turdy. Olardyń boıy­nan naǵyz sardarǵa tán qaıt­pas qaısarlyq pen asqan qyra­ǵy­lyq seziledi. Týra saǵat 11.00-de Prezıdent N.Nazarbaev qabyldaý za­ly­na engende shalt buıryqpen bári de symdaı tartylyp tura qaldy. Elbasy óziniń sózin joǵary ataqtar alǵan ofıserlerdi Otan qorǵaýshylar kúnimen quttyq­taý­dan bastady. Osydan 19 jyl bu­ryn 7 mamyrda meniń Jarly­ǵy­m­men Qazaqstannyń Qarýly Kúsh­teri qurylǵan edi. Sol kúndi biz Otan qorǵaýshylar kúni dep ja­rııaladyq. Osy merekeniń qarsa­ńyn­da Otan qorǵaý jolynda úz­dik jetistikterge jetken, tárti­bimen, tálimimen Otanǵa qyzmet etýde aıryqsha eńbek sińirgen sar­darlardy marapattap kelemiz. Búgin de sol dástúr boıynsha bir top ofıser men quqyq qorǵaý organdarynyń qyzmetkerlerine joǵary áskerı shen – general ataǵyn bergeli turmyz, dedi Memleket basshysy. Odan ári Prezıdent «Ege­men­niń» keshegi sanynda jarııa­lan­ǵan Jarlyǵy boıynsha general ataqtary men synyptyq shender tapsyrdy. Alǵashqy bolyp or­ta­ǵa Qurlyq áskerleriniń qolbas­shy­sy Murat Maıkeev general-leıtenant ataǵyn alýǵa shyqty. Jo­ǵary ataqty alǵan soń ol Qa­rýly Kúshter atynan Elbasyna áskerge jasalyp otyrǵan qam­qorlyqtary úshin óziniń alǵysyn jetkizdi. Odan ári óziniń ómirine toqtalyp, Prezıdentpen kezdesken jáne Prezıdenttiń áskerdi qurý men onyń damýyna jasaǵan qamqorlyqtaryn eske alyp ótti. Odan ári general óziniń eńbegine zor baǵa berý arqyly Elbasy úl­ken jaýapkershilik júktep otyr­ǵanyn aıta kelip, óziniń qasyq qany qalǵansha sol senimdi aq­taı­tynyn jetkizdi. «Biz Sizdiń kez kelgen buıryǵyńyzdy ár­qa­shan­da múltiksiz oryndaıtyn bo­lamyz», dedi ol sóziniń sońynda. General-maıor áskerı ataǵyn alǵandardyń arasynda Baýyr­jan Ábjanov, Turysbek Álı­as­qarov jáne taǵy basqalar boldy. Avıa­sııanyń general-maıory ata­ǵy Nur­lan Ormanbetovke, kontr-ad­mı­ral ataǵy Jandarbek Jan­za­qovqa berildi. Bas Prokýror Ashat Daýylbaev II synyp­ty memlekettik ádilet keńesshisi synyptyq shenin aldy. Joǵary ataqtar tapsyrý aıaq­talǵan soń Elbasy N.Nazarbaev generaldardy taǵy da quttyqtap, olardyń bolashaqta da Otan qorǵaý isi men quqyq qorǵaý sa­lasynda jemisti eńbek etetinderine senim bildirdi. Osydan keıin Prezıdenttiń Jarlyǵymen áskerı jáne qyz­met­tik boryshyn úlgili atqar­ǵa­ny, zańdylyq pen quqyqtyq tár­tipti qamtamasyz etýde, eldiń ult­tyq qaýipsizdigi men qorǵanys qa­biletin nyǵaıtý kezinde kór­set­­ken erligi men qajyrlylyǵy úshin bir top ofıserge otandyq nagradalar tapsyryldy. Olar­dyń qatarynda II dárejeli «Dańq» ordenimen marapattalǵan Qurlyq áskerleri bas qolbas­shy­synyń orynbasary Qurban Qa­ra­janov, I dárejeli «Aıbyn» ordenimen marapattalǵan respýb­lı­­ka­lyq Ulannyń bólim komandıri Qaırolla Saıranov, II dá­re­jeli «Aıbyn» ordenimen ma­ra­pattal­ǵan Ulttyq qaýipsizdik komıteti basqarmasynyń bastyǵy Denıs Bartenev, Qurlyq ásker­leri bas qolbasshysy basqar­ma­sy bas shtaby bastyǵynyń orynbasary Tólegen Dýlambaev jáne taǵy basqalar bar. Elbasynyń qolynan «Erligi úshin» medalin Almaty oblysy jol polısııasynyń aǵa ınspek­to­ry Azamat Qazybaev pen Kók­she­taý qalasy Tótenshe jaǵdaı­lar departamentiniń qyzmetkeri Birjan Táshenov aldy. «Jaýyn­gerlik erligi» úshin medalimen M.Botın, Andreı Kýlıkov jáne basqalar nagradtaldy. Marapattalǵandardy quttyq­ta­ǵan sózinde Elbasy olardyń óz qyzmetterin adal da biliktilikpen atqarǵandary úshin osyndaı ma­ra­patqa ıe bolyp otyrǵandaryn atap ótti. Sonymen birge, Prezıdent keıbir azamattardyń óz mindetin at­qarý kezinde opat bo­lýy­na baı­lanysty olardy qaza tap­qannan keıin marapattaýǵa týra kelip tur­ǵanyn ókinishpen jetkizdi. Olar­dyń arasynda ishki ister organ­da­rynyń qyzmetkerleri R.Ábi­shev, E.Kerimbekov, Qarjy po­lısııa­sy­nyń qyzmetkeri A.Ju­ma­bekov bar. Jaqsybaı SAMRAT. ----------------------------------------- Sýretti túsirgender S.BONDARENKO, B.OTARBAEV.