Konstıtýsııalyq reforma jónindegi komıssııanyń toǵyzynshy otyrysynda Qyzylorda oblysynyń ákimi Nurlybek Nálibaev mańyzdy bastama kóterdi. Aımaq basshysy ekologııa salasyndaǵy jaýapkershilikti kúsheıtip, qorshaǵan ortany qorǵaý normalaryn Ata Zań deńgeıinde bekitý qajettigine toqtaldy, dep jazady Egemen.kz.
Nurlybek Nálibaev óńirler úshin, sonyń ishinde ekologııalyq ahýaly kúrdeli Aral mańy aımaqtary úshin erekshe mańyzǵa ıe ekenin aıtty. Ákimniń aıtýynsha, teńizdiń tartylýy qorshaǵan ortaǵa ǵana emes, aımaq halqynyń ómir sapasyna, densaýlyǵyna jáne áleýmettik jaǵdaıyna da tikeleı áser etip otyr.
«Aral teńiziniń taǵdyry – búkil adamzat úshin aýyr sabaq. Onyń saldaryn biz áli kúnge deıin sezinip kelemiz. Sondyqtan memlekettiń qolaıly qorshaǵan ortany qamtamasyz etý mindetin, azamattardyń ekologııalyq qaýipsizdikke qatysty quqyqtaryn Konstıtýsııalyq deńgeıde bekitý – ýaqyt talaby», dedi Nurlybek Nálibaev.
Jańa Konstıtýsııa jobasynda ekologııalyq aqparattyń ashyqtyǵyn qamtamasyz etýge jáne qorshaǵan ortaǵa zııan keltirgeni úshin jaýapkershilikti arttyrýǵa baǵyttalǵan normalar qarastyrylǵan. Oblys ákiminiń paıymynsha, bul ózgerister ekologııa salasyndaǵy memlekettik baqylaýdy kúsheıtip, óńirlerde aldyn alý sharalaryn tıimdi iske asyrýǵa múmkindik beredi.
Búgin Konstıtýsııalyq komıssııanyń kezekti toǵyzynshy otyrysy ótip jatyr
Nurlybek Nálibaev jańa Konstıtýsııa jobasy memlekettiń áleýmettik baǵyttaǵy rólin arttyrýǵa arnalǵanyn atap ótti. Qujat áleýmettik teńsizdikti qysqartýǵa, aýyldyq aýmaqtardy qoldaýǵa, jumyspen qamtýdy keńeıtýge jáne ınfraqurylymdy júıeli túrde damytýǵa quqyqtyq negiz qalyptastyrady.
Erlan Qarın: Qoldanystaǵy Ata zańnyń kóptegen tustaryn birneshe ret qaıtalap oqysańyz da, túsinbeısiz
Onyń sózinshe, bilim berý salasyn strategııalyq basymdyq retinde bekitý – adamı kapıtaldy damytýdyń basty tetigi. Bul jastardy suranysqa ıe mamandyqtarǵa daıarlaýǵa jáne olardyń áleýetin týǵan óńirlerinde júzege asyrýyna jaǵdaı jasaýǵa baǵyttalǵan.
«Elimizde adamı kapıtaldy damytý úshin bilim berýdi strategııalyq basymdyq retinde bekitedi. Biz jastardyń bolashaǵyna ınvestısııa salýdy, suranysqa ıe mamandardy daıarlaýdy, jas azamattardyń óz áleýetin týǵan jerinde iske asyryp, bolashaǵyn týǵan elmen baılanystyrýyna jaǵdaı jasaýdy tolyq qoldaımyz», dep atap ótti oblys ákimi.
Sondaı-aq Nurlybek Nálibaev jańa Konstıtýsııa jobasy memlekettik basqarýdyń tıimdiligin arttyrýǵa, ókilettikter men jaýapkershilikti naqty ajyratýǵa jáne bılik organdarynyń halyq aldyndaǵy jaýapkershiligin kúsheıtýge baǵyttalǵanyn aıtty.