Búginde elimizde joǵary kásibı, mobıldi, zamanaýı qarý-jaraq pen tehnıkamen jabdyqtalǵan ásker qalyptasty. Memleket basshysy Qazaqstan Respýblıkasy Qarýly Kúshteriniń Joǵarǵy Bas Qolbasshysy retinde Konstıtýsııa talaptaryna sáıkes áskerdiń damý perspektıvalaryn, eldiń ulttyq qaýipsizdiginiń jańa tetikterin belgiledi. Memlekettiń qorǵanys qabiletin arttyrý jáne onyń Qarýly Kúshterin turaqty jaýyngerlik ázirlikti qamtamasyz etý boıynsha qajetti sharalar qabyldap otyr.
Ulytaý oblysynda ótken Otan qorǵaýshylar kúnine arnalǵan merekelik sharada Otan qorǵaýshylardyń elimizdiń qorǵanys salasynda alar orny erekshe ekeni pash etildi. Otan qorǵaýshy kúni – otansúıgishtik rýhty kúsheıtip, ulttyń birligin nyǵaıtatyn mereke. Elimizdiń tynyshtyǵy men qaýipsizdigin qamtamasyz etip júrgen áskerı qyzmetshiler men barsha er-azamattardy qurmetteıtin mańyzdy mereke. Otandy qorǵaý – tek qarýmen ǵana emes, bilimmen, eńbekpen, adaldyqpen de júzege asady.
Ulytaý oblysynda Telegram arqyly esirtki satpaq bolǵan qylmystyq top ustaldy
Saltanatty jıynǵa oblys ákimi Dastan Ryspekov qatysyp, aıtýly kúnniń el ómirindegi aıryqsha mańyzyna toqtaldy.
«Qasıetti Ulytaý – ejelden erlik pen namystyń mekeni, ultymyzdyń altyn uıasy. Biz búgin aǵa býynnyń qaharmandyq dástúrin abyroımen jalǵastyryp kele jatqan naǵyz otanshyl azamattardy maqtan tutamyz. Memleket basshysy – Joǵarǵy Bas Qolbasshy Qasym-Jomart Kemeluly Toqaev atap ótkendeı, «Aıbyndy áskerimiz – Táýelsizdigimizdiń myzǵymas tiregi», dedi óńir basshysy.
Saltanatty jıynda azamattarǵa merekelik marapattar tabystaldy. Qorǵanys mınıstriniń 29 sáýir 2026 jylǵy №432 buıryǵymen I dárejeli «Minsiz qyzmeti úshin» medalimen Sátbaev Qorǵanys isteri bóliminiń bastyǵy, maıor Talǵat Amangeldiuly marapattalady. III dárejeli «Minsiz qyzmeti úshin» medalimen Qorǵanys isteri departamentiniń aǵa serjanty Nursultan Maırambekuly marapattaldy. III dárejeli «Minsiz qyzmeti úshin» medalin Qorǵanys isteri departamentiniń 3-shi synypty serjanty Dınara Tuıaqbaıqyzy keýdesine taqty. Biraz azamattar Ulytaý oblysynyń Qurmet gramotasymen, Ulytaý oblysynyń Alǵys hatymen marapattady.
Merekelik is-sharada Ulttyq ulannyń Ortalyq óńirlik qolbasshylyǵyna qarasty 6505 áskerı bóliminiń orkestriniń súıemeldeýimen «Eldiń qorǵany», «Batyrlar urany», «Qazaq jigitteri» atty otansúıgish ánder oryndaldy. Estrada juldyzy, ulytaýlyq Qýandyq Rahym ánnen shashý shashty. «Nurshashý» ansambliniń bıshileri sahna sánin keltirdi.
Ulytaý oblysy
3000 shaqyrym jol: 76 jastaǵy aqsaqal Ulytaýdan Parıjge jaıaý bardy