Ekonomıka vıse-mınıstri Erlan Saǵynaev Qaraǵandy oblysynyń bıznes qaýymdastyǵymen kezdesti. Ashyq dıalogqa bıznestiń, salalyq qaýymdastyqtardyń, «Atameken» UKP jáne memlekettik organdardyń 150-den asa ókili qatysty, dep habarlaıdy Egemen.kz
Qatysýshylardyń nazaryna bıznesti kún saıyn tolǵandyratyn máseleler shyǵaryldy: salyqtyq ákimshilendirýdi jetildirý, memlekettik satyp alýǵa qol jetkizý, kólik logıstıkasyn damytý, AО́K jáne qurylys sektoryn qoldaý.
«Shaǵyn jáne orta bıznes Qaraǵandy oblysynyń ekonomıkasynda sheshýshi ról atqarady. Turaqty jumyspen qamtyp, óńir tabysynyń edáýir bóligin qalyptastyrady. Mınıstrlik retindegi bizdiń mindetimiz – is júrgizýge barynsha qolaıly jaǵdaı jasaý, memlekettik qoldaý sharalarynyń tıimdiligin arttyrý jáne olarǵa júz paıyz qol jetkizýdi qamtamasyz etý», - dedi Saǵynaev.
Qaraǵandy óńiri kásipkerlikti damytýda senimdi serpin tanytyp otyr. Búgingi tańda munda 246,4 myń adamdy jumyspen qamtamasyz etetin 94,4 myńǵa jýyq ShOK sýbektisi jumys isteıdi (ekonomıkalyq belsendi halyqtyń jartysyna jýyǵy).
2025 jylǵy qorytyndy boıynsha jalpy óńirlik ónimdegi ShOK úlesi 23,2% - ǵa ósken. Al óndirilgen ónim kólemi 4,9 trln teńgege jetti (2024 jylǵy 3,6 trln teńgemen salystyrǵanda). ShOB sektorynan túsetin salyq túsimi 11,3%-ǵa, 409,5 mlrd teńgege jetti.
2026 jyly Qaraǵandy oblysynda kásipkerlikti qarjylyq jáne qarjysyz qoldaýǵa 14,2 mlrd teńge bólindi (11,6 mlrd - respýblıkalyq jáne 2,6 mlrd - jergilikti bıýdjetten). Bólingen qarajat qazirdiń ózinde belsendi jumys isteýde: ondaǵan iri jobalar qarjylandyrylyp, «О́rleý», «Kásipker» jáne «Aýyl amanaty» baǵdarlamalary boıynsha qaryz berý maquldanǵan.