Kezdesýde qazaq-qytaı máńgi jan-jaqty strategııalyq áriptestikti nyǵaıtý, parlamentaralyq dıalog, sondaı-aq mádenı-gýmanıtarlyq saladaǵy yntymaqtastyq perspektıvasy talqylandy, dep habaralaıdy Egemen.kz
– Búginde halyqtarymyzdyń arasyndaǵy tarıhı dostyq baılanystary ózara senim jáne shynaıy kórshilestik rýhynda oıdaǵydaı damyp jatyr. Qytaı árdaıym Qazaqstanǵa qoldaý kórsetip keledi. Sol úshin biz Qytaı halqyna, onyń basshylyǵyna jáne árıne, Tóraǵa Sı Szınpın myrzaǵa shynaıy alǵysymyzdy bildiremiz. Biz úshin qazaq-qytaı máńgilik jan-jaqty strategııalyq áriptestigin udaıy negizde nyǵaıtý óte mańyzdy. 2025 jyl ekijaqty qarym-qatynasymyzdaǵy tarıhı ári teńdessiz kezeń boldy. О́zara saparlar san qyrly yntymaqtastyǵymyzdy tereńdetýge myqty serpin berdi. Mańyzdy jetistikterimizdiń biri – ózara saýda-sattyq kólemi rekordtyq deńgeıge, ıaǵnı, 49 mıllıard dollarǵa jetti. Qytaı dástúrli túrde Qazaqstannyń eń iri ınvestorlarynyń tobyna kiredi. Qytaılyq ınvestısııalardyń jıyntyq kólemi 29 mıllıard dollardan asty. Jaqynda men Investısııalardy kótermeleý jáne ózara qorǵaý týraly kelisimdi ratıfıkasııalaıtyn zańǵa qol qoıdym. Bul qujat ınvestısııalyq yntymaqtastyǵymyzdyń damýyna jańa serpin beretini sózsiz, – dedi Qasym-Jomart Toqaev.
Prezıdent ekijaqty ári kópjaqty deńgeıdegi yqpaldastyqty odan ári ilgeriletý úshin berik saıası negiz qalyptasqanyna toqtaldy
– Qazaqstannyń jáne Qytaıdyń halyqaralyq kún tártibindegi kóptegen máseleler boıynsha ustanymdary uqsas nemese birdeı. Birikken Ulttar Uıymy, Shanhaı yntymaqtastyq uıymy jáne Azııadaǵy ózara is-qımyl jáne senim sharalary jónindegi keńes aıasyndaǵy nátıjeli yqpaldastyǵymyzdy erekshe atap ótkim keledi. Qazaqstan Qytaı usynyp otyrǵan damý, órkenıetter dıalogy jáne jahandyq basqarý salalaryndaǵy mańyzdy bastamalardy joǵary baǵalaıdy ári qoldaıdy. Elimiz «Bir Qytaı» qaǵıdatyn berik ustanady. Sonymen qatar Qazaqstan «Ortalyq Azııa – Qytaı» jańa formatyndaǵy kópjaqty yntymaqtastyqty tolyqtaı qoldaıdy, – dedi Qasym-Jomart Toqaev.
Memleket basshysy oraıly múmkindikti paıdalanyp, QHR Tóraǵasy Sı Szınpınge sálemi men izgi tilegin joldady.Prezıdent Qytaı Halyq Respýblıkasynyń Tóraǵasy ustanǵan strategııalyq baǵyt-baǵdardyń tıimdiligin atap ótti.
– Jańa 15-shi besjyldyq jospar da Qytaıdy halyqaralyq sahnada mańyzdy ról atqaratyn álemdik derjava jáne joǵary damyǵan memleket retinde odan ári nyǵaıta túserine senemiz, – dedi Memleket basshysy.