Úkimet otyrysynda Premer-mınıstr Oljas Bektenov demalys kezinde balalar tegin bara alatyn murajaılar, teatrlar, kitaphanalar men mádenı ortalyqtardyń tizimin keńeıtýdi tapsyrdy, dep habarlaıdy Egemen.kz.
Úkimet basshysynyń aıtýynsha, Mádenıet mınıstrligi jazǵy demalys kezinde balalardyń mýzeıler men teatrlarǵa, kitaphanalar, mádenı ortalyqtar men ulttyq saıabaqtarǵa tegin barý baǵdarlamalaryn keńeıtýi kerek.
«Eńbek jáne halyqty áleýmettik qorǵaý mınıstrligi ákimdiktermen birge oqýshylar men stýdentterdi ýaqytsha jumyspen qamtý jóninde sharalar qabyldaýǵa tıis, bul rette barlyq eńbek quqyqtary men qaýipsizdik normalaryn saqtaý kerek. Bos jumys oryndarynyń «jármeńkelerin» jáne jumyspen qamtýǵa járdemdesýdiń basqa da nysandaryn uıymdastyrý qajet», dedi Premer-mınıstr.
Úkimet basshysynyń aıtýynsha, sondaı-aq az qamtylǵan otbasylar men aýyldyq jerlerdegi balalardyń bos ýaqytyna nazar aýdarý kerek. Kópbalaly jáne az qamtylǵan otbasylardan shyqqan, sondaı-aq aýyldyq jerlerdegi balalardyń demalysy men olardy saýyqtyrý sharalaryn uıymdastyrýǵa basymdyq berilýi tıis.
Jalpy úılestirý jumysy Premer-mınıstrdiń orynbasary – Mádenıet jáne aqparat mınıstri Aıda Balaevaǵa bekitildi.
Mınıstr: Balalardyń jazǵy demalysy jańa talappen uıymdastyrylady
Jas urpaqty tárbıeleýde memlekettik qoldaý sharalary, balalar demalysynyń ınfraqurylymyn damytý, qaýipsizdikti qamtamasyz etý, jazǵy eńbekpen qamtý jumystaryn uıymdastyrýmen qatar otbasy men ata-ananyń alatyn orny erekshe ekeni atalyp ótti.
«Balanyń ómirindegi eń mańyzdy qundylyq – ol onyń otbasy. Ata-analar balanyń ómirine beı-jaı qaramaı, aralasatyn ortasyn, qyzyǵýshylyǵy men bos ýaqytyn qalaı ótkizetininen habardar bolýy kerek. Memleket basshysy atap ótkendeı, otbasynda ata-anasynyń meıirimine bólenip, dástúrimizdi bilip, eń jaqyn jandardan ónege alyp ósken bala óz boıyna adaldyq, eńbekqorlyq jáne azamattyq jaýapkershilik qasıetterin sińirgen jeke tulǵa retinde qalyptasady», dedi Oljas Bektenov.
Buǵan deıin balalar qaýipsizdigi úshin 7 myńǵa jýyq saıtqa shekteý qoıylǵany aıtylǵan.